Մեզ հասանելիք ջուրը տալիս են պաշտոնյաներին. Ադրբեջանում գյուղացիները բողոքի ակցիաներով ջուր են պահանջում
27-03-2023 19:03:10 | Ադրբեջան | Ի՞նչ է գրում մամուլը
Ադրբեջանի Սաալթի շրջանի Չոլփու գյուղի բնակիչները մարտի 27-ին հերթական բողոքի ակցիան են անցկացրել՝ ոռոգման ջրի պահանջով: Նրանք ճանապարհ են փակել՝ իշխանություններից պահանջելով լուծել սակավաջրության երկարամյա խնդիրը:
«Արմենպրես»-ի փոխանցմամբ՝ այս մասին տեղեկացնում են ադրբեջանական լրատվամիջոցները:
Ավելի վաղ՝ մարտի 13-ին ոստիկանները ցրել էին շրջանի բնակիչների բողոքի ակցիան: Տեղի իշխանությունները ցուցարարներին խոստացել էին լուծել խնդիրը, սակայն նրանք չեն կատարել իրենց խոստումը։ Ցուցարարներն ասել են, որ ստիպված են ջուր գնել ոռոգման համար:
Ցուցարարներից մեկը հայտարարել է. «Հարևան գյուղում ջրամատակարարումն իրականացվում է, բայց մեզ հասանելիք ջուրը տալիս են պաշտոնյաներին: Պետական մարմինները չեն հետաքրքրվում մեր խնդիրներով»:
ՀԱՅԵՐԵՆ
Русский
English
Դաս. հայերեն
French
