Դատարանը Սաակաշվիլիին դատապարտել է 4,5 տարվա ազատազրկման

17-03-2025 13:39:05 | Հայաստան | Ի՞նչ է գրում մամուլը

tert.am. Վրաստանի դատարանը 3-րդ նախագահ Միխեիլ Սաակաշվիլիին դատապարտել է 4,5 տարվա ազատազրկման՝ 2021 թվականին սահմանն ապօրինի հատելու համար, հայտնում է «Սպուտնիկ» գործակալության վրացական ծառայությունը:

Օրերս Թբիլիսիի դատարանը Վրաստանի 3-րդ նախագահին մեղավոր էր ճանաչել պաշտոնավարման ընթացքում պետբյուջեից մի քանի միլիոն դոլար յուրացնելու համար և դատապարտել 9 տարվա ազատազրկման։

Այսպիսով, Սաակաշվիլին բանտում կանցկացնի 12 տարի 6 ամիս։ Ազատազրկման ժամկետը կհաշվարկվի ձերբակալման պահից՝ 2021 թվականի հոկտեմբերի 1-ից։

Նախկին նախագահի նկատմամբ դատավարությունը շարունակվում է նաև 2007 թվականի նոյեմբերի 7-ի դեպքերի հետ կապված գործերով։

Նոյյան տապան - Ի՞նչ է գրում մամուլը