Մայիսի 12-14-ը Երեւանի պետական համալսարանում կանցկացվի միջոցառումների շարք` նվիրված Տիգրան Մեծի ծննդյան 2150-ամյակին:
ԵՊՀ պատմության ֆակուլտետի նախաձեռնությամբ անցկացվող միջոցառումների ընթացքում կհնչեն զեկուցումներ, կցուցադրվեն հայագիտական գիտահանրամատչելի ֆիլմեր, որոնք ծանոթ չեն հանրության լայն զանգվածներին:
Միջոցառումների բացման պաշտոնական արարողությունը կկայանա մայիսի 12-ին` ժամը 13:00-ին, ԵՊՀ գիտխորհրդի նիստերի դահլիճում: Ողջույնի խոսքով հանդես կգան ՀՀ կրթության եւ գիտության նախարար Արմեն Աշոտյանը եւ ԵՊՀ ռեկտոր Արամ Սիմոնյանը: