Սիլվա Կապուտիկյանի ծննդյան տարեդարձի առիթով՝ հիշատակի արարողություն և հուշ-ցերեկույթ
20-01-2020 12:00:00 | Armenia |
Հունվարի 20-ին՝ ժամը 12:00-ին Ե. Չարենցի անվան գրականության և արվեստի թանգարանի և նույն թանգարանի մասնաճյուղ Սիլվա Կապուտիկյանի տուն-թանգարանի նախաձեռնությամբ կկազմակերպվի այցելություն Կոմիտասի անվան պանթեոն՝ Սիլվա Կապուտիկյանի շիրմին. տեղի կունենա հիշատակի խնկարկման արարողություն:
Ժամը 13:30-ին Սիլվա Կապուտիկյանի տուն-թանգարանում (Բաղրամյան պողոտա, Կապուտիկյան 1, բն, 26), կներկայացվեն Մայր Աթոռ Սուրբ Էջմիածնի աջակցությամբ թանգարանում կատարված վերանորոգման աշխատանքները և կամփոփվեն 2019 թ. իրականացված հոբելյանական ծրագրերը:
Հաջորդիվ՝ տեղի կունենա հուշ-ցերեկույթ, որին կմասնակցեն մշակույթի գործիչներ, արվեստագետներ, գրողներ, կատարողներ:
ENGLISH 
Հայերեն
Русский
Դաս. հայերեն
French