«Նովոստի» միջազգային մամուլի կենտրոնում տեղի կունենա Երեւան-Մոսկվա տեսակամուրջ
01-10-2010 15:00:00 | |
Հոկտեմբերի 1-ին, ժամը 15։00-ին, «Նովոստի» միջազգային մամուլի կենտրոնում (Երեւան, Վարդանանց 7) տեղի կունենա Երեւան-Մոսկվա տեսակամուրջ` «Ռուսաստան-Հայաստան. հարաբերությունների նոր մակարդակ» թեմայով։
Միջոցառումը կազմակերպված է «Անվտանգության եւ տեղեկատվական համագործակցության խնդիրները Հարավային Կովկասում» Կովկասյան միջազգային գիտագործնական խորհրդաժողովի շրջանակներում, որն անցկացվում է Երեւանում սեպտեմբերի 30-ից հոկտեմբերի 2-ը։
Մասնակիցները Երեւանից՝
- Կովկասի ինստիտուտի տնօրեն Ալեքսանդր Իսկանդարյանը,
- ԱՊՀ Ինստիտուտի հայկական մասնաճյուղի տնօրեն Ալեքսանդր Մարկարովը,
- ԱՄՆ-ի Համաշխարհային անվտանգության ինստիտուտի եվրոպական եւ ասիական ծրագրերի տնօրեն Նիկոլայ Զլոբինը։
Մասնակիցները Մոսկվայից՝
- ՊԴ Միջազգային գործերի կոմիտեի անդամ Սեմյոն Բաղդասարովը,
- Ռազմավարական զարգացման մոդելավորման կենտրոնի փոխնախագահ Գրիգորի Տրոֆիմչուկը,
- քաղաքագետ Ինոկենտի Ադյասովը։