Տեղի կունենա Գյուղական կյանքի և ավանդույթների 7-րդ փառատոնին նվիրված մամուլի ասուլիսը
25-09-2020 15:00:00 | Армения |
Սեպտեմբերի 25-ին` ժամը 15:00-ին, Կանաչ ուսուցման կենտրոնում (հասցե՝ Կոտայքի մարզ, Ձորաղբյուր համայնք, Բանակի 18), տեղի կունենա Գյուղական կյանքի և ավանդույթների 7-րդ փառատոնին նվիրված մամուլի ասուլիսը:
Այս տարի փառատոնը կանցկացվի սեպտեմբերի 26-27-ին՝ Ձորաղբյուր համայնքի Կանաչ ուսուցման կենտրոնում:
Ասուլիսի բանախոսներն են․ ՀՀ էկոնոմիկայի նախարարի տեղակալ Տիգրան Գաբրիելյանը, Աժ պատգամավոր Սոֆիա Հովսեփյանը, «Կանաչ Արահետ» ՀԿ-ի նախագահ Նունե Սարուխանյանը և ԵՄ «Կանաչ գյուղատնտեսության նախաձեռնություն Հայաստանում» ծրագրի ղեկավար Պասկալ Բոկկերսը։
Փառատոնի բացման արարողությունը տեղի կունենա սեպտեմբերի 26-ին՝ ժամը 12։00-ին։
Բերքի փառատոնը նպատակ ունի նպաստել Հայաստանում կայուն գյուղատնտեսության և գյուղական համայնքների զարգացմանը: Այս տարի փառատոնին կմասնակցեն շուրջ 100 օրգանական և բնական գյուղմթերք արտադրողներ և ավանդական ֆերմերային խմբեր Հայաստանի բոլոր մարզերից և Արցախից: Փառատոնը կուղեկցվի բնական ու ավանդական գյուղմթերքի տոնավաճառով, ինչպես նաև համերգային ծրագրով։
Ասուլիսին մասնակցել ցանկացող լրագրողները սեպտեմբերի 25-ին, ժամը 14։00-ին Հանրապետության հրապարակից համապատասխան փոխադրամիջոցներով կտեղափոխվեն Կանաչ ուսուցման կենտրոն՝ Ձորաղբյուր համայնք:
Խնդրում ենք Ձեր մասնակցությունը հաստատելու համար զանգահարել Անի Մխիթարյանին, հեռ․՝ 093 725 558 կամ 033 777 013։
РУССКИЙ 
Հայերեն
English
Դաս. հայերեն
French