«Եւրատեսիլ»-ի գործադիր տնօրէն. Մեր վերահսկողութիւնից դուրս հանգամանքները յանգեցրին մրցոյթին Հայաստանի չմասնակցելու ցաւալի որոշմանը
07-03-2012 14:09:26 | | Մշակոյթ
Հայաստանի հանրային հեռուստաընկերութիւնը այսօր պաշտօնապէս տեղեկացրել է Եւրոպական հեռարձակողների միութեանը, որ Հայաստանը հրաժարւում է մասնակցել Բաքւում կայանալիք «եւրատեսիլ 2012է երգի մրցոյթին:
«Իսկապէս հիասթափուած ենք հեռարձակողի որոշումից` չմասնակցել այս տարուայ մրցոյթին: Չնայած Եւրոպական հեռարձակողների միութեան եւ մրցոյթը հիւրընկալող երկրի հեռարձակողի ջանքերին` ապահովել Հայաստանի սահուն մասնակցութիւնը, այնուամենայնիւ, մեր վերահսկողութիւնից դուրս հանգամանքները յանգեցրին այս ցաւալի որոշմանը», - «Ազատութիւն» ռադիօկայանի փոխանցմամբ, մրցոյթի պաշտօնական կայքում տեղադրուած յայտարարութեան մէջ նշել է «Եւրատեսիլ»-ի գործադիր տնօրէն Եօն Օլայ Սանդը:
Եւրոպական հեռարձակողների միութիւնը հաւելում է, թէ հետեւաբար` նախապէս յայտարարուած 43-ի փոխարէն այս տարուայ մրցոյթին կը մասնակցնեն 42 երկրներ: