Վարչապետ Տիգրան Սարգսեանի մասնակցութեամբ Երեւանի Կարէն Դէմիրճեանի անուան մարզահամերգային համալիրում բացուել է «Շինարարութիւն եւ ինտերիեր 2012» մասնագիտացուած ցուցահանդէսը: «Սայ լաւ հարթակ է ծանօթանալու շինարարութեան ոլորտում առկայ նորամուծութիւններին եւ գաղափարներին, իսկ մասնակից կազմակերպութիւններին կառուցելու երկխօսութեան եւ համագործակցութեան նոր կ'ապեր»,- ասել է Տիգրան Սարգսեանը: Կառավարութեան ղեկավարը յոյս է յայտնել, որ ցուցահանդէսը կը խթանի մեր երկրում շինարարութեան ոլորտի յետագայ զարգացմանը: 5-րդ անգամ անցկացուող ցուցահանդէսին մասնակցում են 150 կազմակերպութիւններ: Միջոցառումը հնարաւորութիւն կը տայ ներդրողներին ուսումնասիրել տուեալ ոլորտը, մշակել ներդրումային նոր ծրագրեր: Ցուցահանդէսի նպատակն է նպաստել Փոքր եւ միջին բիզնեսի զարգացմանը եւ գործնական կապերի հաստատման համար ստեղծել բարենպաստ պայմաններ: Ըստ ՀՀ Կառավարութեան տեղեկատուութեան եւ հասարակայնութեան հետ կապերի վարչութեան մամլոյ հաղորդագրութեան, միջոցառումն անցկացւում է ԱՊՀ երկրների առեւտրաարդիւնաբերական պալատների նախագահների հովանու ներքոյ:

---