Օրերս «Գառնի-Երեւան» մայրուղային ջրատարի վրայ, Նուբարաշենից ոչ հեռու նկատուել էր «Կարի» բացուածք, որը ջրի արտահոսքի պատճառ էր հանդիսանում: Նպատակ ունենալով վերացնել արտահոսքն ու խուսափել մշտապէս բարձր ճնշման տակ գտնուող ջրատարի շատ աւելի ծանր հետեւանքներով վթարից, երկուշաբթի, ապրիլի 16-ին կանխարգելիչ նկատառումներով դադարեցուել էր ջրատարի աշխատանքը, որի հետեւանքով ջրազրկուել էին Գառնիի աղբիւրից սնուցուող մայրաքաղաքի մի շարք թաղամասեր: Ինչպէս «Նոյեան Տապան»-ին յայտնեցին «Երեւան Ջուր»ընկերութեան հաղորդակցութեան բաժնից, 800մմ տրամագծով ջրատարն անցնում է բարդ տեղանքով, ինչն ինքնին խոչնդոտում է աշխատանքների ընթացքը, միւս կողմից` վթարն է բարդ: Նրա հետեւանքների վերացումը պահանջում է մանրակրկիտ ու համբերատար աշխատանք: Այնուամենայնիւ, ինչպէս հաւաստիացրել է ընկերութեան «Արեւելք» շահագործման տնօրէն Կարապետ Օհանեանը, վերանորոգման աշխատանքներում ներգրաւուած են անհրաժեշտ քանակութեամբ տեխնիկայ եւ մասնագէտներ, ինչը թոյլ է տալիս յուսալ, որ յայտարարուած 36-ժամեայ ժամկէտում աշխատանքները կ'աւարտուեն ու կը վերսկսուի «գառնի-երեւանէ ջրատարի բնականոն աշխատանքը:

---