Մայրաքաղաքային տնտեսութեան տարբեր ոլորտներում հնարաւոր համագործակցութեան հարցեր են քննարկուել Երեւանի քաղաքապետ Տարօն Մարգարեանի եւ իտալական Ռենկոյ ընկերութեան տնօրէն Ջիովանի Ռուբինիի ու նրա ուղեկցութեամբ հանդիպման եկած իտալական <> ընկերութեան ներկայացուցիչների հետ հանդիպման ընթացքում: ողջունելով հիւրերին, Տարօն Մարգարեանը ներկայացրել է քաղաքային տնտեսութեան կառավարման իր մօտեցումները` յատկապէս մատնանշելով այն ոլորտները, որոնք փոխանցելով մասնաւորի կառավարմանը հնարաւոր կը դառանայ առաւել արդիւնաւէտ կառավարում ապահովել: Այս համատեքստում քաղաքապետը կարեւորել է միջազգային մասնագիտացած ընկերութիւնների ներգրաւումը, ինչը նախ եւ առաջ կ'ապահովի միջազգային չափորոշիչներով ծառայութիւնների մատուցում. <<Երեւանի քաղաքապետարանը բաց եւ պատրաստակամ է քննարկելու եւ իր լիազօրութիւնների շրջանակում օժանդակելու Երեւանում ներդրումային ծրագրերի իրականացմանը: Մենք կարեւորում ենք յատկապէս պետութիւն-մասնաւոր հատուած համագործակցութիւնը, որն, ըստ էութեան, կարող է լուրջ ազդեցութիւն ունենալ մայրաքաղաքի տնտեսութեան զարգացման եւ ենթակառուցուածքների արդիականացման հարցում>>, - ընդգծել է Տարօն Մարգարեանը` ի մասնաւորի նշելով հէնց Ռենկոյի հետ արդէն երկար տարիներ ունեցած արդիւնաւէտ համագործակցութիւնը: Շնորհակալութիւն յայտնելով ջերմ ընդունելութեան համար, Ռենկոյ ընկերութեան տնօրէն Ջիովանի Ռուբինին բարձր է գնահատել քաղաքապետի մօտեցումներն ու իր հերթին ընդգծել է, որ իրենց ընկերութիւնը մէկ անգամ չէ, որ համոզուել է Երեւանի քաղաքապետարանի հետ համագործակցութեան արդիւնաւէտութեան եւ վստահելի գործընկեր լինելու մէջ: Ըստ այդմ Ռենկոյի տնօրէնը նաեւ վստահեցրել է, որ <> ընկերութիւնը եւս կարող է լուրջ դերակատարում ունենալ Երեւանի զարգացման ծրագրերի իրականացման հարցում` հընթացս դառնալով նաեւ վստահելի գործընկեր: <> ընկերութեան նախագահ Ադոլֆոյ Գուցինին եւս` շնորհակալութիւն յայտնելով Տարօն Մարգարեանին ջերմ ընդունելութեան համար, ընդգծել է, որ քաղաքային տնտեսութեան զարգացման հարցում քաղաքապետի մօտեցումներն իսկապէս ողջունելի են եւ իրենց ընկերութիւնը պատրաստակամ է ներգրաւուել զարգացման ծրագրերի իրականացման գործում: Երեւանի քաղաքապետարանի տեղեկատուութեան եւ հասարակայնութեան հետ կապերի վարչութիւնից յայտնում են, որ շնորհակալութիւն յայտնելով պատրաստակամութեան համար, Տարօն Մարգարեանը առաջարկել է ստեղծել աշխատանքային խումբ, որը կ'ուսումնասիրի առաջարկուող ներդրումային ծրագրերը` այդ թւում ընկերութեան մասնագէտների կողմից տեղում ուսումնասիրելով դաշտը, որի արդիւնքում կը նախապատրաստուի ներդրումային յստակ առաջարկի փաթեթը, որն առաւել առարկայական կը դարձնի համագործակցութեան եզրերը:

---