Երեւանի քաղաքապետարանը, Best Western Congress Hotel եւ Austrian Airlines ընկերութիւնների հետ համատեղ, կազմակերպում է «Երեւան. բիզնես-վազք – 2012» (Yerevan Business Run-2012) մարաթօնեան վազքի մրցոյթ: Ծրագրի նպատակը հասարակութեան կեանքում առկայ խնդիրների վերաբերեալ կորպորատիւ ընկերութիւնների իրազեկուածութեան բարձրացումն ու վերջիններիս այդ խնդիրների լուծմանը մասնակից դարձնելն է: Մարաթոնեան վազքին կը մասնակցեն գործարար ոլորտի, մասնաւորապէս սոցիալական կորպորատիւ պատասխանատուութեան քաղաքականութիւն իրականացնող (SCR) ընկերութիւնները, ինչպէս նաեւ շահագրգիռ այլ կազմակերպութիւններ: Ծրագրի արդիւնքում հաւաքագրուած գումարը կ'ուղղուի մայրաքաղաքի բնապահպանական խնդիրների լուծմանը, մասնաւորապէս, Աջափնեակ վարչական շրջանում կը վերականգնուի Արզումանեան փող. հ.10 շէնքի յարակից այգին: Յաղթող թիմը, որպէս պարգեւատրում, կը մեկնի Վիենայ` մասնակցելու Վիենայ բիզնես-ռանի:

---