«Պահանջում ենք պատժել «Հարսնաքարում» տեղի ունեցածի բոլոր մեղաւորներինէ հասարարական նախաձեռնութիւնը, որն ունի 1984 անդամ, այսօր տարածած յայտարարութեամբ պահանջում է պարզել «Հարսնաքար» ռեստորանի սեփականատէր, ՀՀ ԱԺ պատգամաւոր Ռուբեն Հայրապետեանի անձի գործօնի ազդեցութիւնը դէպքը տեղի ունենալու, դէպքի ընթացքի ու ելքի վրայ: Յայտարարութիւնում ասւում է. «2012 թ. յունսի 17-ին ՀՀ ԱԺ պատգամաւոր, իշխող Հանրապետական կուսակցութեան ներկայացուցիչ Ռուբեն Հայրապետեանի ընտանիքի սեփականութիւնը հանդիսացող «Հարսնաքար» ռեստորանային համալիրի աշխատակիցները, որոնցից մէկը Ռուբեն Հայրապետեանի թիկնազօրի անդամ է, դաժան ծեծի են ենթարկել մի խումբ քաղաքացիների: Նրանցից երեքը` Վահէ Աւետեան, Արտակ Բայադեան, Գարիկ Սողոմոնեան, գտնւում են հիւանդանոցում: Վահէ Աւետեանը, բժիշկների գնահատմամբ` ծայրայեղ ծանր վիճակում է, ենթարկուել է գլխուղեղի երկու վիրահատութեան, սակայն մինչ օրս գիտակցութեան չի եկել: Ծեծի ենթարկուած քաղաքացիներից երկուսի հաղորդած տուեալների համաձայն` նրանց ծեծի է ենթարկել մօտ 15 հոգի: Հիւանդանոց տեղափոխելուց յետոյ պարզուել է, որ դաժան ծեծի ենթարկուածները զինուորական բժիշկներ, սպանէր են եւ միայն բժշկական օգնութեան տրամադրման փաստի հիման վրայ է յայտնի դարձել բռնութեան փաստը: 2012 թ. յունիսի 21-ին Ազգային ժողովի մօտ «Հարսնաքարի»դէպքի վերաբերեալ իր բողոքն արտայայտող ՀՀ քաղաքացի Վադգես Գասպարիի նկատմամբ ակնյայտ ապօրինի գործողութիւն է իրականացրել ՀՀ ԱԺ մէկ այլ պատգամաւոր, նոյն քաղաքական իշխանութեան մէկ այլ ներկայացուցիչ Սամուէլ Ալեքսանեանը ու իր թիկնապահներից մէկը, ինչը այլ կերպ, քան ցինիզմ ու անպատժելիութիւն անհնար է որակել, երբ առաջին բռնութեան դէպքի քննութեան ընթացքում ԱԺ պատգամաւորը բռնութեան քայլ է իրականացնում բռնութեան փաստի դէմ բողոքօղ ՀՀ քաղաքացու նկատմամբ: Հաշուի առնելով այն հանգամանքը, որ մինչ այժմ նմանատիպ բռնութեան դէպքերը իրաւապահ մարմինների կողմից չեն արժանացել պատշաճ քննութեան եւ բոլոր մեղաւորները, ներառեալ` յանցագործութեան դրդողները ու օժանդակողները չեն բացայայտուել եւ չեն ենթարկուել պատասխանատուութեան, մենք` «Պահանջում ենք պատժել «Հարսնաքարում» տեղի ունեցածի բոլոր մեղաւորներին.հասարարական նախաձեռնութեան խմբի անդամներս, յայտարարում ենք. 1, ՀՀ քաղաքացիների յաճախացած դաժան ծեծերը հետեւանք է` ա/ իշխանութիւն ունեցող կամ դրա հովանաւորութիւնը վայելող անձանց կողմից իրականացուած նմանատիպ յանցագործութիւնների կոծկման, բ/ քաղաքական իշխանութեան եւ քաղաքական առանձին ուժերի կողմից բռնութեան դէպքերը ուղղակի հովանաւորելու, բռնութեան դէպքերը չդատապարտելու վարքագծի: 2. Տեղի ունեցածը ակնյայտ մարտահրաւէր է ամբողջ հասարակութեանը, իրաւական համակարգին, քաղաքացուն: 3. Մենք, դատապարտելով բռնութիւն կատարած անձանց գործողութիւնները, գտնում ենք, որ նրանց մօտ առկայ է եղել վստահութիւնն իրենց անպատժելիութեան մէջ: Ուստի սոյն միջադէպի պատասխանատուութիւնն ընկնում է նաեւ ողջ քաղաքական իշխանութեան եւ մասնաւորապէս այդ իշխանութեան ներկայացուցիչ Ռուբեն Հայրապետեանի, նաեւ` Սամուէլ Ալեքսանեանին վրայ, որոնց հովանու ներքոյ անպատժելի գործել ու գործում են բռնութիւն գործադրած անձինք: 4. ՀՀ Ազգային ժողովի բոլոր պատգամաւորները, բոլոր հասարակական եւ քաղաքական ուժերը պարտաւոր են վերաբերմունք արտայայտել դէպքի վերաբերեալ` դատապարտելով իրաւազանցութիւնն ու բռնութեան մշակոյթը: 5. «հարսնաքարիէ դաժան միջադէպը, քաղաքացի Վարդգէս Գասպարիի հետ տեղի ունեցածը բաւարար հիմք են`իշխող կուսակցութեան պատգամաւորներ Ռուբեն Հայրապետեանին ու Սամուէլ Ալեքսանեանին պատգամաւորական անձեռնմխելիութիւնից ու մանդատից զրկելու համար: Հաշուի առնելով վերոնշեալը` պատկան մարմիններից պահանջում ենք` ա. քրէական գործի քննութիւնն անցկացնել ՀՀ Սահմանադրութեանը եւ օրէնսդրութեանը համապատասխան, բ, դադարեցնել յանցագործութեան իրական պատկերի կոծկման, պարտակման, խեղաթիւրման ակնյայտ փորձերը, գ. հանրութեանը պարբերաբար զեկուցել դէպքի քննութեան ընթացքի մասին, դ. իրականացնել անհրաժեշտ միջոցառումները` պարզելու համար Ռուբեն Հայրապետեանի անձի գործօնի ազդեցութիւնը դէպքը տեղի ունենալու, դէպքի ընթացքի ու ելքի վրայ, է. իրականացնել անհրաժեշտ միջոցառումները` վերոնշեալ ոչ իրաւաչափ գործողութիւնների համար Սամուէլ Ալեքսանեանին պատասխանատուութեան ենթարկելու նպատակով, զ. ապահովել տուժածների եւ նրանց հարազատների անվտանգութիւնը եւ բացառել հնարաւոր ճնշումները նրանց նկատմամբ, է. «Հարսնաքար» համալիրը ճանաչել որպէս քաղաքացու կեանքին կամ առողջութեանը պատճառուած վնասի համար պատասխանատու իրաւաբանական անձ ու պարտադրել վնասի փոխհատուցում տրամադրել ՀՀ օրէնսդրութեանը համապատասխան, ը. պատասխանատուութեան կանչել յանցագործութեան մասին իմացած, տեղում ներկայ եղած ու անգործութիւն ցուցաբերած, դաժան ծեծը կանխել կամ դադարեցնել չփորձած անձանց, թ. պարզել եւ հրապարակել ոստիկանութեանը ապատեղեկացրած անձի տուեալները, որը յայտնել էր, թէ իբր բժիշկներն են յարձակուել «Հարսնաքար» վրայ, ինչի հետեւանքով գործի քննութիւնը սկզբնական շրջանում գտնւում էր ՊՆ ենթակայութեան տակ, ինչպէս նաեւ օրէնքի շրջանակներում պատասխանատուութեան կանչել այդ անձին, ժ. պարզել «Հարսնաքարում» տեսաձայնագրող սարքերի տեղակայութիւնը, բռնութեան գործադրման ակտի եւ դրան նախորդած ու յաջորդած շրջանի դրուագների տեսանիւթերի առկայութիւնը, տեսանիւթերի բացակայութեան պարագայում դրանք ոչնչացրած անձանց ինքնութիւնը, տեսախցիկների ոչ սարքին լինելու պարագայում դրանց անսարքութեան պատճառները եւ ժամկէտները, ըստ այդմ պատասխանատուութեան կանչել իրեղէն ապացոյցները վերացնողներինէ: «Պահանջում ենք պատժել «Հարսնաքարում» տեղի ունեցած միջադէպի բոլոր մեղաւորներին» նախաձեռնող խումբ ՀԵՂԻՆԱԿ` Հրապարակ

---