Համաշխարհային կ'ինոարուեստի շունչը` քաղաքամայր Երեւանում Հայաստան ՎիւաՍել-ՄՏՍ-ը` «ՄՏՍ» ԲԲԸ դուստր ձեռնարկութիւնը, տեղեկացնում է, որ մեկնարկել է աշխարհի լաւագոյն փառատօների տասնեակում յայտնուած «Ոսկէ ծիրան»կինոփառատունը: Այն իրականացւում է Հայաստանի մշակոյթի նախարարութեան աջակցութեամբ: Թարմութիւն, նոր խօսք, կ'ինոարուեստի լեզուն բացայայտելու դասընթացնէր եւ հաճելի ժամանց…. «Ոսկէ ծիրանը» կինոերկրպագուներին դարձեալ նոր ասելիքով է ներկայանում: Մասնակից երկրների աշխարհագրութիւնը եւ մշակոյթների բազմազանութիւն խոստացող փառատօնը հայ հանդիսատեսին է ներկայանում 9-րդ անգամ: Խորհրդանշական է, որ Երեւանի միջազգային կինոփառատօնի բացումն ազդարարւում է համոյ Բեկնազարեանի` «Շոր եւ Շորշոր»կատակերգութեամբ, որը հանդիսատեսին առաջարկւում է գրական ստեղծագործութեան էկրանաւորմամբ: Ցուցադրութիւնը կ'ընթանայ Վահագն Հայրապետեանի եւ նրա խմբի կենդանի ջազային ձեւաւորմամբ, ինչը մշակուել է յատուկ այս առիթով: Կինոփառատօնը պահպանել է արդէն աւանդոյթ դարձած «Երեւանեան պրեմիերաներ», «Յետահայեաց ցուցադրութիւններ» եւ «Յարգանքի տուրք» արտամրցութային ծրագրերը: Այդ շարքում նորութիւն է «Գիրք եւ կ'ինո» ծրագիրը, որն իրականացւում է Իւնեսկո-ի կողմից Երեւանը գրքի համաշխարհային մայրաքաղաք հռչակելու առիթով: Նախատեսուած է նաեւ ԱՊՀ երկրների կինոծրագիրը: «Կինոն դէպի անծայրածիր տիեզերքը բացուող պատուհան է եւ մարդկային ճակատագրերի խառնարան: Արուեստի այս ճիւղը աշխարհն իր ամբողջ բազմազանութեամբ ներկայացնելու ու դրա հանդէպ անսահման սէր սերմանելու մեծ առաքելութիւն ունի: Համոզուած եմ` միջմշակութային հարթութեան մէջ հայկական կինեմատոգրաֆն ունի իր կարեւոր խօսքը պատուով հրամցնելու եւ մեր երկրի վարկանիշը արժանի հարթակում ներկայացնելու դերը»,-ասել է ՎիւաՍել-ՄՏՍ-ի գլխաւոր տնօրէն Ռալֆ Յիրիկեանը: Կինոփառատօնն ամփոփուելու է Կ'աննի 65-րդ փառատօնի գլխաւոր մրցանակակիր «Սեր»(«Amour») ֆիլմի մէկ բացառիկ ցուցադրութեամբ: Յիշեցնենք, որ Ֆրանսիայի, Գերմանիայի եւ Աւստրիայի համատեղ արտադրութեամբ նկարահանուած ֆիլմը կ'ինոաշխարհի ամենահեղինակաւոր մրցանակներից մէկի` «Ոսկէ արմաւենու» կրկնակի մրցանակակիր է: Հռչակաւոր Միքայէլ Հաննեկէի` սիրոյ եւ հաւատարմութեան մասին պատմող դրաման յատկապէս արժեւորուած է աշխարհահռչակ դերասանների` Ժան-Լուի Տրինտինեանի, Էմանուէլ Ռիւայի եւ Իզաբել Իւպերի խաղով: Փառատօնի գլխաւոր հովանաւոր ՎիւաՍել-ՄՏՍ-ը խրախուսում է կինոարուեստն իր ամբողջ գեղեցկութեամբ երիտասարդութեանը փոխանցելու կազմակերպիչների ջանքերը:

---