ԵՐԵՎԱՆ, 15 ՅՈՒՆԻՍԻ, ՆՈՅԵԱՆ ՏԱՊԱՆ: Երեւանի պետական համալսարանի (ԵՊՀ) ժուռնալիստիկայի ֆակուլտետում յունիսի 15-ին կայացաւ յայտնի լրագրող, գրող-հրապարակախօս, երգիծաբան Արտաշէս Քալանթարյանի «Իմ տունը քո տունն է» ժողովածուի շնորհանդէսը: Գրքում ընդգրկուած են գրողի վեպերն ու վիպակները, պիեսները, պատմվածքներն ու յօդուածները: «Ա.Քալանթարյանը խորհրդային տարիների լաւագոյն լրագրողներից էր: Նրա անունը անխզելիօրէն կապուած է 20-րդ դարի 2-րդ կէսի հայ ժուռնալիստիկայի պատմութեան հետ»,- նշեց ֆակուլտետի դեկան Գառնիկ Անանեանը: նրա խօսքերով, Ա.Քալանթարյանի, Վարդգէս Պետրոսեանի, Վիկտոր Բալայեանի շնորհիւ խրուշչովեան ձնհալից յետոյ Հայաստանում զարգացավ ժուռնալիստիկան, մասնաւորապէս հրապարակախօսական յոդուածների, ֆելիետոնի ժանրերը: Նշուեց, որ Ա.Քալանթարյանի 75-ամեակի կապակցութեամբ Երեւանի Պատանի հանդիսատեսի թատրոնում բեմադրուել է նրա «Հանրապետութեան օրինակելի քաղաքացին» վիպակը, որի պրեմիերան կկայանայ յունիսի 24-ին: Գ.Անանեանը յայտնեց, որ գրողի որդու` Ալեքսանդր Քալանաթարյանի, նախաձեռնութեամբ ԵՊՀ-ում բացուած գրողի անուան լսարանը շուտով կհամալրուի համակարգիչներով, իսկ այս տարուանից նույնպես նրա նախաձեռնութեամբ Ժուռնալիստիկայի ֆակուլտետում կը սահմանուի Ա.Քալանթարյանի անուան կրթաթոշակ: ՀՀ Լեզուի պետական տեսչության պետ Լաւրէնտի Միրզոեանը յայտնեց, որ մինչեւ տարեվերջ «Տավուշ հայրենակցական միութեան» նախաձեռնութեամբ Տաւուշի մարզի Չորաթան գիւղի դպրոցի դասասենյակներից մէկը նույնպես կ'անուանակոչուի գրողի անունով:

---