Մամլո ասուլիս՝ նվիրված Խորանաշատ վանական համալիրի 800-ամյակին
11-05-2022 14:00:00 | Հայաստան | Ասուլիս
Ս. թ. մայիսի 11-29-ը Երևանում և Տավուշի մարզի Չինարի համայնքում կիրականացվի միջոցառումների շարք՝ նվիրված Խորանաշատ վանական համալիրի (Տավուշի մարզ, գ. Չինարի) 800-ամյակին:
• Մայիսի 11-ին՝ 14:00-ին, Մեսրոպ Մաշտոցի անվան Մատենադարանի թանգարանային մասնաշենքում տեղի կունենա մամլո ասուլիս, որին կհաջորդի «Խորանաշատի ձեռագրական գանձերը» խորագրով ցուցադրության բացումը: Կներկայացվեն Խորանաշատի վանքում ստեղծված և այնտեղ պահպանված ձեռագրերի մի քանի նմուշներ:
Մամլո ասուլիսի բանախոսներ.
Բագրատ եպիսկոպոս Գալստանյան
Հայ առաքելական եկեղեցու Տավուշի թեմի առաջնորդ
Արա Խզմալյան
ՀՀ ԿԳՄՍ նախարարի տեղակալ
Վահան Տեր-Ղևոնդյան
Մեսրոպ Մաշտոցի անվան Մատենադարանի տնօրեն
Գևորգ Սաղոյան
«Խորանաշատ 800-ամյակ»-ի նախաձեռնող խմբի համակարգող
Վահե Թորոսյան
Մեսրոպ Մաշտոցի անվան Մատենադարանի գիտական քարտուղար
• Մայիսի 28-ին՝ 11:00-ին, Խորանաշատում կմատուցվի Ս. Պատարագ: 14:00-ին Չինարի գյուղի համայնքապետարանին հարակից տարածքում Սուրբ Խաչով և Մատենադարանից բերված 1224 թվականին գրված «Խորանաշատի Ավետարան»-ով կկատարվի Անդաստանի արարողություն: 19:00-ին տեղի կունենա Հայաստանի պետական Կամերային երգչախմբի (գեղ. ղեկավար և գլխավոր խմբավար՝ Ռոբերտ Մլքեյան) համերգը:
• Մայիսի 29-ին՝ 11:00-ին, Չինարի գյուղի մշակույթի տանը տեղի կունենա «Խորանաշատ 800» գիրք-ալբոմի շնորհանդեսը, որին կհաջորդի գիտաժողով՝ նվիրված գիտական, հոգևոր կենտրոնի 800-ամյակին։ 19:00-ին տեղի կունենա «Ակունք» ազգագրական երգի-պարի համույթը:
ՀԱՅԵՐԵՆ
Русский
English
Դաս. հայերեն
French
