Ազգային ժողովի «Բարգավաճ Հայաստան» խմբակցության կազմը կհամալրի ԲՀԿ անդամ, 37-ամյա Մուշեղ Պետոյանը: Կենտրոնական ընտրական հանձնաժողովի նոյեմբերի 3-ի նիստում կազմված արձանագրության համաձայն, Մ.Պետոյանին կհանձնվի ԱԺ համամասնական ընտրակարգով` ԲՀԿ ընտրական ցուցակով, ընտրված Արմեն Մելիքյանի պատգամավորական լիազորությունները վաղաժամկետ դադարեցվելուց հետո թափուր մնացած մանդատը: Հիշեցնենք, որ այլ աշխատանքի անցնելու կապակցությամբ Ա.Մելիքյանի պատգամավորական լիազորությունները դադարեցվել են ԱԺ նոյեմբերի 1-ի արձանագրությամբ:

---