2011 թվականի նոյեմբերի 25-ին Կովկասի ինստիտուտն ու Պատերազմի եւ խաղաղության լուսաբանման ինստիտուտի հայաստանյան գրասենյակը քննարկում են կազմակերպում «Ղարաբաղյան գործընթաց. երկար ընդմիջման նախօրեի՞ն» թեմայով:
Քննարկմանը զեկուցումներով հանդես կգան ԼՂՀ Արտաքին քաղաքականության ու անվտանգության հարցերով հանրային խորհրդի նախագահ Մասիս Մայիլյանը եւ Կովկասի ինստիտուտի տնօրեն Ալեքսանդր Իսկանդարյանը:
Բանախոսների ելույթներից հետո քննարկումը կշարունակվի պետական կառույցների, միջազգային կազմակերպությունների, դիվանագիտական առաքելությունների ու ՀԿ-ների ներկայացուցիչների, փորձագետների ու լրագրողների մասնակցությամբ:
Աշխատանքային լեզուներն են` հայերեն, ռուսերեն, անգլերեն (համաժամանակյա թարգմանություն):
Կլոր սեղանը կազմակերպում են ՊԽԼԻ հայաստանյան գրասենյակը` Նորվեգիայի արտաքին գործերի նախարարության աջակցությամբ ու Կովկասի ինստիտուտը` Հենրիխ Բյոլ հիմնադրամի հարավային կովկասի բյուրոյի աջակցությամբ: