ԵՐԵՎԱՆ, 22 ՀՈՒՆՎԱՐԻ, ՆՈՅՅԱՆ ՏԱՊԱՆ: Վերջերս լրացավ
«Լիտերատուրնայա Արմենիա» հասարակական-քաղաքական ամսագրի
հիմնադրման 40-ամյակը:
Ամսագրի բազմամյա գլխավոր խմբագիր Ալբերտ Նալբանդյանի
խոսքերով, ամսագրի հիմնական նպատակը միշտ եղել է ու կա «հայ
գրականության, արվեստի, մեր ժողովրդի հոգեւոր արժեքների քարոզը:
Մենք շարունակում ենք մեր պարտքը համարել ընթերցողին Սփյուռքի
գրողներին ծանոթացնելը, ամսագրի դռները միշտ բաց են սկսնակների
համար, եւ ուզում ենք հավատալ, որ բոլոր դժվարությունները մնացել
են ետեւում»:
Նշենք, որ ամսագիրը 1991 թ.-ից ի վեր զրկվել էր պետական
հովանավորությունից եւ մինչ օրս գոյատեւում էր փոքրաթիվ
խմբագրության ջանքերով, լույս տեսնելով ոչ թե ամեն ամիս, այլ երեք
ամիսը մեկ: Ամսագրի լույսընծայմանը նպաստում է նաեւ գործարար եւ
քաղաքագետ Արկադի Վարդանյանը:
Միայն վերջերս ՀՀ կառավարությանն առընթեր գրահարատակչության
վարչությունը ամսագրին հատկացրեց 2 մլն դրամ. վարչության պետ
Հարություն Կարապետյանը խոստացել է օգնությունը դարձնել
շարունակական: