16-01-2012 12:01:23 | Հայաստան | Հայտարարություններ
ԻնֆոԳյուղը հայտարարում է պատմվածքի մրցույթ, որին կարող են մասնակցել 17-20 տարեկան երիտասարդ աղջիկներ ու տղաներ` հանրապետության բոլոր մարզերից: Թեմայի սահմանափակում չկա, սակայն հատուկ մրցանակ է սահմանված "Սոցիալական մեդիայի դերը անհատի կյանքում կամ հասարակության զարգացման վրա" թեմայով գրված ստեղծագործությունների համար:
Գլխավոր մրցանակն է` 30.000 դրամ: Կա նաեւ հատուկ մրցանակ, ինչպես նաեւ երկու խրախուսական մրցանակ:
Մասնակիցներին կտրվի հավաստագիր, իսկ լավագույն պատմվածքները կպագրվեն մամուլում:
Մրցույթը մեկնարկում է հունվարի 13-ին, ընթացքի ու վերջնաժամկետի մասին կարելի է տեղեկանալ` հետեւելով բլոգին, կամ բաժանորդագրվելով բլոգի թարմացումներին: Պատմվածքներն ուղարկել amuradyan@epfound.am հասցեով: Որոշակի կանոններ, որոնք պետք է պահպանել պատմվածքները շարադրելուց.
- Պատմվածքը շարադրություն չէ,
- Պատմվածքները պետք է գրված լինեն 12 տառաչափով, առնվազն 3 էջի սահմաններում, չպետք է հրապարակված լինեն որեւէ այլ պլատֆորմում,
- Տեքստերում բառերը պետք է անջատել միմյանցից մեկ տառի չափով. բառ[]բառ, այլ ոչ թե` բառ[][][][]բառ,
- Տեքստերը պետք է շարադրված լինեն յունիկոդ տառատեսակով,
- Պատմվածքներն ուղարկելուց նշել անուն-ազգանուն, տարիք, քաղաքի կամ համայնքի անունը, կոնտակտային տվյալներ:
http://cdpf.am/am/news298/