Գաֆէսճեան արվեստի կենտրոնը հրավիրում է մասնակցելու «Անդրադարձ գեղեցիկին եւ ներդաշնակին» նոր կրթական ծրագրին: Այն նախատեսված է բարձր դասարանների աշակերտների համար եւ իրականացվում է «Գարնանային մոտիվներ. Ընտրանի Ռուսական արվեստի թանգարանի հավաքածուից» ցուցահանդեսի շրջանակներում: Ծրագիրը ծանոթացնում է երիտասարդներին 19-րդ դարի վերջի եւ 20-րդ դարի սկզբի ռուսական արվեստին, ինչպես նաեւ ստեղծում արվեստի վերաբերյալ մտքերի փոխանակման եւ քննարկման ստեղծագործ միջավայր: «Անդրադարձ գեղեցիկին եւ ներդաշնակին» կրթական ծրագրի առաջին հանդիպումը տեղի կունենա Գաֆէսճեան արվեստի կենտրոնում ապրիլի 5-ին: Ծրագրին մասնակցությունն անվճար է, պարտադիր նախնական գրանցմամբ: Տեղեկությունների եւ գրանցումների համար զանգահարել` +37410 541932/34:

---