«Նորությունների ռուսական ծառայությունը» հայտնում է, որ ոստիկանությունը հսկողության տակ է վերցրել Մոսկվայի Բոտկինի հիվանդանոցը, որտեղ գտնվում է սպանված «օրենքով գող» «Դեդ Հասանի» (Ասլան Ուսոյան) մարմինը: LifeNews-ի աղբյուրների համաձայն՝Ուսոյանի մարմինը կհսկեն մինչեւ թաղումը՝ անվտանգության նկատառումներից ելնելով և հնարավոր սադրանքները բացառելու նպատակով:
Ռուսաստանի Քննչական կոմիտեի տվյալներով, Ուսոյանին գնդակահարել են անձայն «Վալ» ինքնաձիգից և քիլերը սպանությունը իրականացրել է շենքի 5-6-րդ հարկերի շքամուտքի պատուհանից: Սպանության ժամանակ պատահական մի անցորդ կին հրազաենային վնասվածք է ստացել ազդրին եւ կրծքին ու տեղափոխվել հիվանդանոց: Դեպքի վայրում հայտնաբերվել է նաև 9 մմ տրամաչափի 6 պարկուճ: