Հայաստանի ամերիկյան համալսարանի Գործարարության և տնտեսագիտության ֆակուլտետը ունի նոր դեկան
25-01-2013 12:27:48 | Հայաստան | Գիտություն եւ տեխնոլոգիաներ
Ներկայացնում ենք Հայաստանի ամերիկյան համալսարանի Գործարարության և տնտեսագիտության ֆակուլտետի դեկանի պաշտոնակատարին:
Կալիֆորնիայի համալսարանի, Իրվին կառավարման դպրոցի նախկին դեկանը կղեկավարի Հայաստանի ամերիկյան համալսարանի (ՀԱՀ) գործարարության և տնտեսագիտության ֆակուլտետը
Կալիֆորնիայի համալսարանի Մերջ կառավարման դպրոցի նախկին դեկան և պատվավոր պրոֆեսոր Դեյվիդ Հ. Բլեյքը այս ամիս ստանձնեց Հայաստանի ամերիկյան համալսարանի գործարարության և տնտեսագիտության ֆակուլտետի դեկանի պաշտոնակատարի պաշտոնը:
« Մեծագույն ուրախությամբ ուզում եմ նշել, որ ԱՄՆ-ի խոշորագույն չորս կառավարման դպրոցներում դեկանի պաշտոն զբաղեցրած, առաջատար գիտնական Բլեյքը այսուհետ միանալու է մեր թիմին»,-նշել է ՀԱՀ-ի նախագահ` Բրյուս Բողոսյանը:
«Ինձ համար պատիվ էայս պաշտոնում ընտրվելը,-նշել է Բլեյքը,- ՀԱՀ-ի կառավարման և տնտեսագիտության ֆակուլտետը տարածաշրջանի առաջատարներից է և ես տպավորված եմ ուսանողների, դասախոսների և աշխատակիցների ցուցաբերած նվիրումից համալսարանի, կառավարման ու տնտեսագիտության ֆակուլտետի, ինչպես նաև համալսարանի շրջանավարտների և գործարար հանրության հանդեպ»:
Գործարարության ու տնտեսագիտության ֆակուլտետը առաջարկում է անգլերեն լեզվով դասավանդվող Գործարար կառավարման մագիստրոսի աստիճան շնորհող ծրագիր, ինչպես նաև մագիստրոսի հավաստագրեր շնորհող մի շարք այլ ծրագրեր: Երկու տարի տևողությամբ գործարար կառավարման մագիստրոսի աստիճան շնորհող և երկու տարի վեց ամիս տևողությամբ մասնագիտական գործարար կառավարման մագիստրոսի աստիճան շնորհող երկու կարևորագույն ծրագրերը նախատեսված են աշխատող մասնագետների համար, որոնք մանրակրկիտ փորձարկված ծրագրեր են և առաջարկում են տեսության ու պրակտիկ աշխատանքի միջև հավասարակշռություն, քանակական և որակական հեռանկարներ և տնտեսական ու սոցիալական պատասխանատվություն կառավարման գործընթացում: Հայաստանի ամերիկյան համալսարանի Գարծարար կառավարման մագիստրոսի աստիճան շնորհող ծրագիրը կայուն համբավ ունի Հայաստանում և տարածաշրջանում:
Պրոֆեսոր Բլեյքը Գործարարության ու տնտեսագիտության ֆակուլտետի ղեկավարությունը ստանձնում է գիտական մեծ փորձառությամբ և դեկանի պաշտոնում կառավարման 22 տարվա մեծ փորձով: Նա երկու տասնամյակից ավել փորձառություն ունի որպես դեկան Նորսիսթերն, Ռութգերս, Հարավային Մեթոդիսթ և բոլորովին վերջերս Կալիֆորնիայի, Իրվին համալսարաններում: Ավելի քան 16 հասարակական և մասնավոր ընկերություններում և մի շարք շահույթ չհետապնդող կազմակերպություններում եղել է խորհրդական և խորհրդի անդամ:
Որպես խորհրդի անդամ և խորհրդական պրոֆեսոր Բլեյքը նպաստել է բազմաթիվ կազմակերպությունների կայացմանը: Հեղինակելով յոթ գիրք նա հիմնականում անդրադարձել է այնպիսի թեմաների ինչպիսիք են` ռազմավարական առաջնորդություն, կորպորատիվ ռազմավարություն, համընդհանուր գործարարություն և բիզնեսի էթիկայի ղեկավարում: Այժմ նա գրում է երկու գիրք` «Էթիկան դարձնել արդյունավետ» և «Ղեկավարել» վերնագրերով:
«Պրոֆեսոր Բլեյքը ուշագրավ և հմուտ գործունեություն է ծավալել ինչպես ակադեմիական ոլորտում` որպես գիտնական, այնպես էլ որպես կորպորատիվ խորհրդի անդամ մի քանի տեխնոլոգիական և ֆինանսական ծառայություններ մատուցող ընկերություններում,- ասել է պրովոստ Դեննիս Լիվենսը,- երախտապարտ եմ, որ այս անցումային շրջանում պատրաստակամ գտնվեց ստանձնել դեկանի պարտականությունները և անհամբեր սպասում եմ նրա հետ համագործակցությանը, մինչ հիմնական դեկանը կզբաղեցնի իր պաշտոնը»:
Պրոֆեսոր Բլեյքը այժմ հանդիսանում է Բետա Գամա Սիգմայի` միջազգային բիզնես կազմակերպության, Բարոյագիտական Բիզնեսի Կառավարման կենտրոնի տնօրեն: Նա նաև Կալիֆորնիայի նահանգի որակավորված միջնորդ / հաշտարար է` մասնագիտացած կառավարման, աշխատանքային և ընտանեկան հարցերի միջնորդության ոլորտում:
Հայաստանի ամերիկյան համալսարանը (ՀԱՀ) մասնավոր, անկախ համալսարան է Երևանում՝ Հայաստանում: Հիմնադրված լինելով 1991 թվականին՝ ՀԱՀ-ը հանդիսանում է Կալիֆորնիայի համալսարանի համագործակիցը : Ուսուցման, հետազոտության և հանրային ծառայությունների միջոցով ՀԱՀ-ը ծառայում է Հայաստանին և տարածաշրջանին՝ յոթ տարբեր հիմնական բնագավառներում բարձրորակ կրթություն մատակարարելու միջոցով՝ խրախուսելով քաղաքացիական ներգրավվածությունը և խթանելով ժողովրդավարական արժեքները:
Հայաստանի ամերիկյան համալսարանը հավատարմագրված է Դպրոցների և քոլեջների արևմտյան ասոցիացիայի ավագ դպրոցները և համալսարանները հավատարմագրող հանձնաժողովի կողմից, 985 Ատլանտիկ Ավենյու, #100, Ալամեդա Կալիֆորնիա 94501, 510-748