Apple-ին դիմում-խնդրանք է ուղղվել ավելացնել հայերեն iOS ստեղնաշար
23-04-2013 13:01:30 | Հայաստան | Գիտություն եւ տեխնոլոգիաներ
Ամբողջ աշխարհում միլիոնավոր մարդիկ միայն կշահեն, եթե iPhone-ի եւ iPad-ի համար ստեղծվի հայերեն ստեղնաշար: Այժմ Android-ը ավելի հայտնի է դառնում հայերի շրջանում, քանի որ Apple-ը չի ապահովում ստանդարտ հայերեն ստեղնաշար: Այս խնդիրը նկատի ունենալով՝ iTechnology.am առցանց ամսագրի կողմից ստեղծվել է դիմում-խնդրանք:
Այս դիմում-խնդրանքն ավելի ու ավելի մեծ տարածում է գտնում, քանի որ Apple-ի արտադրանքը շատ տարածված է միլիոնավոր հայերի շրջանում, ովքեր ապրում են ախարհի տարբեր մասերում: Ոչ միայն Հայաստանի Հանրապետության քաղաքացիներն են օգտագործում Apple սարքավորումներ, այլ նաեւ հայկական սփյուռքը ԱՄՆ-ում, Ռուսաստանում, Եվրոպայում եւ Ավստրալիայում:
Հայերենը երեք հազար տարվա պատմություն ունեցող լեզու է, իսկ հայկական այբուբենը 1,600 տարեկան է: Մենք խնդրում ենք Apple-ին իր հավատարիմ հաճախորդներին ապահովել իրենց մայրենի լեզվով գրելու հնարավորությամբ: Apple-ի սարքավորումները կարող են շատ մեծ դեր խաղալ ամողջ աշխարհում ցրված միլիոնավոր հայերի եւ Հայաստանի միջեւ կապը պահելու գործում: Apple-ի գործադիրին ուղղված նամակ-խնդրանքով հանդես էր եկել նաեւ ՀՀ կրթության եւ գիտության նախարարը 2013թ.-ի ապրիլին:
iTechnology.am-ի մասին
iTECHNOLOGY.am-ը առաջին առցանց վայրն է, որ միավորում է Հայաստանի ՏՏ ոլորտի զարգացման մեջ ներգրավված կամ հետաքրքրված մարդկանց: iTECHNOLOGY.am-ը աղբյուր է ներդրումների հնարավորություններ փնտրող անհատների եւ ընկերությունների համար, բացի այդ այն տարածում է նորություններ եւ լուսաբանում այն ամենն, ինչ կատարվում է ՏՏ համայնքում:
Թողարկումների հղումներ ամերիկյան եւ այլ արտասահմանյան ՏՏ եւ բիզնես ուղղվածությամբ ամսագրերից, որոնք արդեն գրել են iTechnology.am-ի առցանց դիմում-խնդրանքի մասին.
ՀԱՅԵՐԵՆ
Русский
English
Դաս. հայերեն
French
