Վահրամ Պետրոսյան. Մեծամորի ատոմակայանը տեխնոլոգիական հագեցվածությամբ եւ անվտանգության մակարդակով լավագույններից մեկն է աշխարհում
26-04-2013 17:49:50 | Արմավիրի մարզ | Գիտություն եւ տեխնոլոգիաներ
Ատոմային էլեկտրակայանների շահագործման հայկական գիտահետազոտական ինստիտուտի տնօրեն Վահրամ Պետրոսյանը լրագրողների հետ հանդիպման ժամանակ հայտարարել է, որ Մեծամորի ատոմակայանը տեխնոլոգիական հագեցվածությամբ եւ անվտանգության մակարդակով լավագույններից մեկն է աշխարհում: Նա նշել է նաև, որ Ատոմակայանի շահագործումն անհրաժեշտ է Հայաստանի համար այնքանով, որ այն հանրապետության տարածքի մեծ մասն ապահովում է էլեկտրաէներգիայով, և կարող է դիմանալ մինչեւ 9 բալ հզորությամբ երկրաշարժի: Նա տեղեկացրել է, որ Միջուկային էներգիայի միջազգային գործակալությունը փաստաթուղթ է ընդունել, համաձայն որի` ցանկացած երկիր պետք է ապահովի միջուկային անվտանգությունը: Ըստ նրա՝ արդեն ավարտին են հասցվում այդ փաստաթղթով նախատեսված միջոցառումները, ինչը առավել կբարձրացնի հայկական ատոմակայանի անվտանգության մակարդակը: