08-02-2011 13:25:13 | Հայաստան | Հայտարարություններ
ՀՀ կրթության եւ գիտության նախարարությունը հայտարարում է գիտելիքի կարեւորության հասարակական ընկալմանը միտված սոցիալական գովազդների սցենարների մրցույթ: Մրցույթին կարող են մասնակցել անհատ ստեղծագործողները եւ կազմակերպությունները: Սցենարները կարող եք ներկայացնել մինչեւ մարտի 25-ը ՀՀ կրթության եւ գիտության նախարարության հասարակայնության հետ կապերի եւ տեղեկատվության վարչություն:
ՀՀ կրթության եւ գիտության նախարարի ղեկավարությամբ ստեղծված մրցութային հանձնաժողովն ուշադրության կարժանացնի բոլոր առաջարկները: Լավագույն ճանչված սցենարները կնկարահանվեն եւ կհեռարձակվեն հայկական հեռուստատեսությամբ, իսկ հեղինակները կարժանան պարգեւների:
Ակնկալում ենք ակտիվ մասնակցություն: