Նոր դերակատար հայաստանյան ուղևորափոխադրումների դաշտում՝ Էյր Արաբիա Ավիաընկերություն

16-07-2013 17:22:11 | Հայաստան | Տնտեսություն

Հուլիսի 16-ին, ժամը` 12:30-ին Էյր Արաբիա ավիաընկերությունը հրավիրել էր մամուլի ասուլիս, որը նվիրված էր Էյր Արաբիա ավիաընկերության կողմից դեպի Հայաստան իրականացվող չվերթների բացման ազդարարմանը: Ասուլիսը տեղի ունեցավ Ռոյալ Թուլիփ հյուրանոցի Պուչինի սրահում:

Ասուլիսի բանախոսներն էին`

• Հուսամ Րայդանը – Էյր Արաբիա ավիաընկերության Կորպորատիվ հաղորդակցությունների և Հաճախորդների հետ հարաբերությունների ստորաբաժանման կառավարիչ

• Րավինդրան Բհարաթան – Էյր Արաբիա ավիաընկերության ՌԴ, ԱՊՀ և Եվրոպա տարածաշրջանային ղեկավար:

Ասուլիսի ընթացքում բանախոսները ներկայացրեցին չվերթների բացման և իրականացման հաճախականությունն ու ժամկետները, հնարավոր ուղղություններն ու ավիաընկերության կողմից վարվող գնային քաղաքականության սկզբունքները, քննարկեցին նոր ուղևորափոխադրողի հայաստանյան շուկա ներգրավման անհրաժեշտությունը և նրա կողմից ներկայացված առաջարկների առանձնահատկություններն ու բազմազանությունը:

Էյր Արաբիա ավիաընկերությունը Միջին Արևելքում և Հյուսիսային Աֆրիկայում առաջին և ամենամեծ փոխադրողն է, որն ուղևորներին է առաջարկում ամենմատչելի փոխադրումները:

Էյր Արաբիա ավիանկերությունը հայտարարում է դեպի Երևան չվերթների բացման մասին, որոնք կիրականացվեն սկսած սույն թվականի օգոստոսի 16-ից` շաբաթը երկու չվերթ հաճախականությամբ:

Չվերթները կմեկնեն Շարժայի Միջազգային Օդանավակայանից երեքշաբթի և ուրբաթ օրերին ժամը 8:30` ժամանելով Զվարթնոց Միջազգային Օդանավակայան 11:15:

Հետադարձ չվերթները տեղի կունենան նույն օրերին` Երևանից մեկնելով 12:35 և կժամանեն Շարժա 15:40 (տեղական ժամանակով):

Մինչև օգոստոսի 30-ը Երևան-Շարժա-Երևան հետադարձ չվերթի արժեքը կկազմի 175 ԱՄՆ դոլարին համարժեք ՀՀ դրամ: Էյր Արաբիա ավիաընկերությունը ԶԼՄ-ների ներկայացուցիչների համար պատրաստել էր հաճելի անակնկալ` 30% զեղչ լրագրողական փաստաթուղթ ներկայցնելու դեպքում:

Բանախոսները փոխանցեցին նաև Էյր Արաբիա ավիաընկերության խմբի գլխավոր տնօրեն Ադել Ալիի ուղերձը` «Հայաստանը մեզ համար գրավիչ ուղղություն է, որը բարենպաստ է ինչպես զբոսաշրջության, այնպես էլ միջազգային գործարարության տեսանկյունից: Երևանը` ունենալով ռազմավարական դիրք, մշակութային մեծ խառնարան է, որը կհետաքրքրի աշխարհի ամենատարբեր ազգություններին: Երևանը լրացնում է Էյր Արաբիայի Արևմտյան Եվրոպայի ուղղության լայն ցանցը: Էյր Արաբիան առաջարկում է հայերին հարմարավետ երթուղիներ ողջ Հնդկական ենթամայրցամաքի, Մերձավոր Արևելքի և Լևանտական տարածաշրջանի տարածքներով»:

Էյր Արաբիա ավիանկերությունը (ՀԲԸ) գրանցված է Դուբայի Ֆինանսական շուկայում: Այն սկսել է իր գործունեությունը 2003թ-ին:

Տաս տարիների ընթացքում Էյր Արաբիային հաջողվեց ստեղծել յուրահատուկ բիզնես մոդել, որի շնորհիվ տեղական և տարածաշրջանի բնակչությանն է ընձեռվում քիչ գումարով շատ ճանապարհորդելու բացառիկ հնարավորություն: Շուկայի և հաճախորդների կարծիքների շարունակական վերլուծությունների միջոցով ավիաընկերությունը մշակել և առաջարկում է մի շարք լրացուցիչ ծառայություններ Էյր Արաբիան նախընտրած միլիոնավոր ուղևորներին:

Էյր Արաբիան մինչ օրս ընդհանուր հաշվով փոխադրել է 32 միլիոն ուղևոր և ավելի քան 1.4 միլիոն 2013թ-ի առաջին եռամսյակում:

Ներկայումս Էյր Արաբիա ավիանկերությունը ունի 33 A320 Էյրբաս ինքնաթիռ, որոնք աշխարհի ամենավաճառվող ջեթլայներներն են և ճանաչված են որպես մեկ միջանցք ունեցող լավագույն օդանավեր: Օդանավերի բոլոր սրահները կահավորված են համաշխարհային կարգի հարմարավետ նստատեղերով:

Ընկերության գլխավոր գրասենյակը գտնվում է Շարժայում, ՄԱԷ հիմնական բազայում, որտեղից սպասարկում է Ասիան, Եվրոպան և Հնդկական ենթամայրցամաքը: Շարժան`Էյր Արաբիայի գլխավոր բազան, Դուբայի հարևան քաղաքն է և Միացյալ Արաբական Էմիրությունների երրորդ խոշորագույն քաղաքը: Շարժան հայտնի է իր մշակույթով, թանգարաններով և բնական լողափներով: 1998թ-ին Շարժան UNESCO-ի կողմից ճանաչվել է «Արաբական աշխարհի մշակութային մայրաքաղաք»:

Ընկերությունն ունի նաև երկու այլ բազա Մարոկկոյում և Եգիպտոսում. ընդհանուր առմամբ իրականացնում է չվերթներ դեպի 86 քաղաք ողջ աշխարհում:

Էյր Արաբիան մրցանակակիր ավիաընկերություն է, որի նպատակն է առաջարկել հարմարավետություն, հուսալիություն և լավագույն արժեք դրամի դիմաց: Լրացուցիչ տեղեկությունների համար այցելեք www.airarabia.com:

Հարցերի կամ մանրամասների հետ ծանոթանալու համար կարող եք կապ հաստատել`

«ՍՓՐԻՆ ԳՐՈՒՊ» PR ընկերություն

Միջազգային նախագծերի ղեկավար՝ Տաթևիկ Սիմոնյան

Հեռ.՝ + 374 10 500 561, + 374 99 88 00 23

Նոյյան տապան - Տնտեսություն