Հայ և ուկրաինացի ուսանողների միջև տեղի կունենա փորձի փոխանակում

19-07-2013 13:48:51 | Հայաստան | Գիտություն եւ տեխնոլոգիաներ

Հայաստանի երիտասարդական հիմնադրամի և Խ. Աբովյանի անվան հայկական պետական մանկավարժական համալսարանի ուսանողական խորհրդի նախաձեռնությամբ օգոստոսի 19-29-ը բուհի տարբեր ֆակուլտետների 10 ուսանողներ կմասնակցեն «Ուսանողների փոխանակություն» ծրագրին։ Հայ երիտասարդները կմեկնեն Ուկրաինայի մայրաքաղաք Կիև, որտեղ տեղի կունենա փորձի փոխանակում հայկական պետական մանկավարժական և Մ. Դրագոմանովի անվան Կիևի ազգային մանկավարժական համալսարանների ուսանողների միջև։ Հայաստանցի երիտասարդները կծանոթանան Ուկրաինայի կրթական համակարգին, կապեր կհաստատեն Կիևում գործող երիտասարդական և ուսանողական կազմակերպությունների հետ։

Հայաստանի երիտասարդական հիմնադրամի

հասարակայնության հետ կապերի ծառայություն

Հեռ.՝ 010545802 (ներքին՝ 16), 093517112

E-mail: press@heh.am

http://heh.am/

Նոյյան տապան - Գիտություն եւ տեխնոլոգիաներ