«Թեքեյան Կենտրոն» հիմնադրամի հովանավորությամբ թեքեյանցի աշակերտներն իրենց ամառային հանգիստն անցկացրին Լոռվա գեղեցիկ բնության գրկում` «Գուգարք» մանկական ճամբարում: Արդեն չորրորդ տարին է, ինչ ԹԿ հիմնադրամն իրականացնում է «Ամառային ճամբար» նախագիծը, որն այս տարի ընդգրկեց յոթնօրյա հանգիստ Երեւանի, Գյումրիի, Ստեփանավանի, Կարբիի եւ Բերձորի /Արցախ/ թվով 74 թեքեյանցի աշակերտների եւ նրանց ուղեկցող մանկավարժների համար:

 

Հուլիսի 18-25-ը «Գուգարք» ճամբարն իր հյուրընկալ դռներն էր բացել երեխաների առջեւ, հանդես գալով նորովի` վերանորոգված մասնաշենքերով, լողավազանով եւ խաղահրապարակներով, ինչպես նաեւ ժամանցային զվարճալի ծրագրով: Թեքեյանցի մանկավարժների եւ ճամբարի անձնակազմի համատեղ աշխատանքի շնորհիվ երեխաների առօրյան հետաքրքիր էր եւ հագեցած երեխաների ինտելեկտուալ եւ ֆիզիկական աճին նպաստող զանազան միջոցառումներով: Թեքեյանցիները շատ շուտ համակերպվեցին եւ սիրեցին ճամբարային ռեժիմը` առավոտյան շեփորի կանչը, պարտադիր լիցքային վարժությունները, տողաններն ու շքերթները: Նրանք ակտիվ մասնակցություն ունեցան նաեւ կազմակերպված «Սպորտլանդիա» միջոցառմանը, «Վիկտորինա» ճանաչողական խաղ-մրցույթին, տարբեր թեմաներով զրույց-բանավեճերին::

 

Ծրագրի շրջանակներում թեքեյանցիներն այցելեցին Դսեղ` Հովհաննես Թումանյանի տուն-թանգարան, ուր ծանոթացան ամենայն հայոց բանաստեղծի կյանքի հետաքրքիր դրվագներին եւ իրենց համար նորովի բացահայտեցին մեծն լոռեցուն: 

 

Կազմակերպվեցին արշավներ դեպի «Լքված ճամբար», Դեբեդ գետի հովիտ եւ ժայռերում գտնվող քարանձավներ, ինչպես նաեւ էքսկուրսիա դեպի 10-րդ դարի երկրորդ կեսին հիմնադրված Հաղպատի վանքային համալիր, որտեղ Սուրբ Նշան եկեղեցում թեքեյանցիները Սայաթ-Նովա երգեցին եւ վառ տպավորություններով վերադարձան ճամբար: 

 

 

Ճամբարի վերջին օրն էլ ավելի ակտիվ էր` բոլոր հինգ Թեքեյան դպրոցները հանդես եկան իրենց ելույթներով` բեմադրություն, երգ, պար, ասմունք: Հանգստի ողջ ընթացքն անցավ ընկերական մթնոլորտում` երեխաները հնարավորություն ունեցան շփվելու միմյանց հետ, նոր ընկերներ ձեռք բերելու, կիսելու իրենց մտքերն ու գիտելիքները: 

 

Բաժանումը հուզիչ էր, լի արցունքներով եւ ջերմ խոսքերով: Դժվար էր բաժանվել մտերիմ ընկերներից, հարազատ դարձած «Գուգարք» ճամբարից` մանկության հրաշք-մոլորակից, ուր իշխում են սերն ու բարությունը, երգն ու պարը, ժպիտն ու ծիծաղը: Թեքեյանցիները հեռացան ճամբարից անմոռանալի տպավորություններով եւ մեծ հավատով, որ «Թեքեյան Կենտրոն» հիմնադրամը հաջորդ տարի եւս կպարգեւի նրանց անկրկնելի ամառային հանգիստ:

 

Բաժանորդագրվեք մեզ / Subscribe us on:/ Подписывайтесь

 

➜ Patreon:    https://www.patreon.com/c/NoyanTapanTV

➜ YouTube 1: https://www.youtube.com/@NoyanTapanTV

➜ YouTube 2: https://www.youtube.com/@NoyanTapan  (in Russian)

➜ YouTube 3: https://www.youtube.com/@NoyanTapanLiveTV (Special Programs)

➜ Facebook:  https://www.facebook.com/NoyanTapanHolding

➜ Telegram:   https://t.me/NoyanTapanTV

➜ TikTok:       https://www.tiktok.com/@noyan.tapan.news.7 

➜ Website:    https://nt.am/

➜ Instagram: https://www.instagram.com/noyantapan3/

➜ HyeID:      https://hyeid.net/

 

#noyantapantv #noyantapan #ноянтапан #ноянтапантв  #ноянтапаннарусском #Арцах #карабах #armenia #НоянТапан #armenia4k #аналитика #armenianews #новостиармениисегодня  #Армения #karabakh  #политика #новости #интервью #армения #ереван #южныйкавказ #европа #сша #война #арцах #нагорныйкарабах  #news #analytics  #NoyanTapanTV #Temu#noyantapanshort  #short  #shorts #noyantapanreel #reel #reels #noyantapantvreel, #reelnoyantapan, #shortnoyantapan #shortԿարենՍարգսյան #reel #gayanearakelyan #tigranharutyunyan #maripetrosyan #elizazakharyan #vladimirpogosyan #short Владимир Погосян # Владимир Погосян #reel Владимир Погосян 

 

Noyan Tapan Media Holding («NT Holding»)

Isahakyan 28, Yerevan, 0009 Armenia

+374 55509050, +374 60351122, +1 818 967 5677 

e-mail contact@nt.am

Նոյյան տապան  -   ՆՈՐՄԱԼ ՉԷ