Լևոն Անանյանի կորուստը մեծ է ու անդառնալի. Վ.Մանուկյան
03-09-2013 14:50:44 | Հայաստան | Մշակույթ
Լևոն Անանյանը "մշակութային, հասարակական ու ազգային խնդիրներով ապրող մտավորական էր, հանրային գործիչ, որն իր լուման է ներդրել Հայաստանի նորանկախ պետականության կայացման գործում": Այս մասին ասված է ՀՀ Հանրային խորհրդի նախագահ Վազգեն Մանուկյանի՝ ՀԳՄ նախագահ, անվանի գրող Լևոն Անանյանի մահվան կապակցությամբ տարածած ցավակցական ուղերձում: Վազգեն Մանուկյանի գնահատմամբ, Լևոն Անանյանի "կորուստը մեծ է ու անդառնալի ոչ միայն գրական-մշակութային, այլև հասարակական կյանքում":
"Իմ և Հանրային խորհրդի անունից խորապես ցավակցում եմ Լևոն Անանյանի ընտանիքին, հարազատներին ու գործընկերներին",- ասված է ՀՀ Հանրային խորհրդի նախագահ Վազգեն Մանուկյանի ուղերձում: