Հայաստանում կներդրվեն ֆրանսիական ինժեներական կրթական ամբողջական համակարգի չափանիշները

01-10-2013 14:11:52 | Հայաստան | Գիտություն եւ տեխնոլոգիաներ

Ֆրանսիայի բարձրագույն ինժեներական բուհերի և խոշորագույն հիմնադրամների մասնակցությամբ 2013թ. մայիսի 24-ին Փարիզում հիմնադվել է Հայաստանում Ֆրանսիական Բարձրագույն Ինժեներական Ինստիտուտը (ՀՖԲԻԻ) :

Ինստիտուտի հիմնադիրներին, գործընկեր ֆրանսիական ինժեներական ինստիտուտներին և հատկապես Հայաստանում ֆրանսիական ինժեներական ինստիտուտի հիմնադրման նպատակներին, հեռանկարներին, առաջարկվող մասնագիտություններին, ուսումնառության առանձնահատկություններին, վարչական և կրթական կարողություններին ծանոթացնելու նպատակով այսօր` հոկտեմբերի 1-ին, ՀՖԲԻԻ-ում կայացավ մամլո ասուլիս, որին ներկա էին ֆրանսիական ինժեներակն մի շարք ինստիտուտների ներկայացուցիչներ, ՀՖԲԻԻ-ի հիմնադիրներ:

Նորաստեղծ ինստիտուտը ֆրանսիայի բարձրագույն ինժեներական բուհերի և խոշորագույն հիմնադրամների մասնակցությամբ նպատակ ունի Հայաստանի Հանրապետությունում ներդնել ֆրանսիական ինժեներական կրթական ամբողջական համակարգ բուհական, հետբուհական և վերապատրաստման ուղղություններով` խնդիր ունենալով կիրառել ֆրանսիական առաջադեմ փորձը, ժամանակակից նորարարական ծրագրերը և եվրոպական չափանիշները.

 Մրցունակ կադրերի պատրաստում ՀՀ-ի և տարածաշրջանի երկրների համար

 Մրցակցային ուսուցման առաջարկ

 Եռալեզու կրթական ծրագրերի իրականացում

 Մասնակցություն եվրոպական կրթական համակարգին ինտեգրվելու գործընթացներին

 Առարկայական ճկուն ծրագրերի միջոցով շուկայի պահանջների բավարարում

 Տեխնիկական լավագույն բազայի առկայություն

 Բազմալեզու հաղորդակցման հմտությունների ձևավորում

ՀՖԲԻԻ-ում ուսանող լավագույն բակալավրի և մագիստրոսի կրթական ծրագրերի շրջանավարտներին կտրամադրվեն ինչպես Հայաստանի, այնպես էլ Ֆրանսիական դիպլոմներ: Կիրականացվի ուսանողների փոխանակում ուսումնառության ընթացքում, նաև պրակտիկաների, ավարտական աշխատանքներ, մագիստրոսական թեզեր և գիտահետազոտական աշխատանքներ կատարող ուսանողների փոխանակում: Կկազմակերպվի ուսումնամեթոդական և գիտահետազոտական աշխատանքներին վերաբերող փոխադարձ տեղեկատվության փոխանակում:

Մենք առաջարկում ենք հետևյալ մասնագիտությունները`

 Ինժեներական գրաֆիկա, նախագծում և փորձաքննություն,

 Ենթակառուցվածքների ինժեներիա, կառավարում և շահագործում,

 Շանարարական նոր սեսմակայուն տեխնոլոգիաներ և կանոնակարգեր,

 Դիզայն,

 Ֆինանսական ինժեներիա և էկոնոմիկա

Այս համագործակցությունը լավ հնարավորություն է հայ ուսանողների համար իրենց կրթությունը շարունակել Ֆրանսիայում, ստանալ ֆրանսիական դիպլոմներ, վերապատրաստման և փորձի փոխանակման միջոցով զարգացնել նորաստեղծ բուհի վարչական և կրթական կարողությունները:

ՀՖԲԻԻ ֆրանսիացի գործընկերներն են`

 l’ASIFA-BTP (Association de Soutien à l’Institut Franco Arménien du Bâtiment et des Travaux Publics)

 ENTPE - Ecole Nationale des Travaux Publics de l’Etat, à Lyon

 ECL - Ecole Centrale de Lyon

 HEI - Hautes Etudes d’Ingénieur, à Lille

 Lycée Claude-Nicolas Ledoux (EBTP) de Vincennes

 VCGP – Vinci Construction Grands Projets

 AFD – Agence Française du Développement de la Francophonie

 La Fondation VINCI

 Artelia - Fondation d'entreprise Artelia

Հանդիպման ընթացքում կայացավ նաև ASIFA-BTP Երևանյան գրասենյակի պաշտոնական բացումը:

Հանդիպումն անցկացվեց Ռոբեռտ Շումանի անվան եվրոպական բուհական ավանում (հասցե` Դավիթ Անհաղթի 4/4, հեռ` 010 209222):