«Լազերային ֆիզիկա- 2013» միջազգային գիտաժողով` նվիրված ՀՀ ԳԱԱ 70-ամյակին
07-10-2013 16:40:28 | Հայաստան | Գիտություն եւ տեխնոլոգիաներ
Սույն թվականի հոկտեմբերի 8-11-ը ՀՀ Գիտությունների ազգային ակադեմիայի (ԳԱԱ) Ֆիզիկական հետազոտությունների ինստիտուտում (ք. Աշտարակ-2, ՀՀ ԳԱԱ ՖՀԻ, 2-րդ մասնաշենքի կոնֆերանս դահլիճ) տեղի կունենա «Լազերային ֆիզիկա-2013» միջազգային գիտաժողովը` նվիրված ՀՀ ԳԱԱ 70-ամյակին:
Գիտաժողովը կազմակերպել է ՀՀ ԳԱԱ ՖՀԻ-ն՝ ՀՀ կրթության եւ գիտության նախարարության Գիտության պետական կոմիտեի աջակցությամբ:
Գիտաժողովի թեմատիկ ուղղվածությունը.
- քվանտային էլեկտրոնիկայի նյութեր. ստեղծում, հատկություններ եւ կիրառություններ,
- լազերային ճառագայթման և նյութի ռեզոնանսային փոխազդեցություն,
- լազերային սարքաշինություն և կիրառություններ,
- լազերային սպեկտրասկոպիա,
- քվանտային օպտիկա և նյութական ալիքներ,
- քվանտային ինֆորմացիա,
- նանոկառուցվածքների և սցինտիլյացիոն նյութերի օպտիկական հատկություններ:
Գիտաժողովին կմասնակցեն շուրջ 60 գիտնականներ և ուսանողներ ՀՀ կազմակերպություններից, ինչպես նաև Ֆրանսիայից, Մեծ Բրիտանիայից, Ավստրալիայից, Ռուսաստանից, Հունգարիայից, ԱՄՆ-ից և Իրանից: