Ստեղծագործում են թանգարանների աշխատողները

27-10-2013 15:04:56 | Հայաստան | Մշակույթ

Թանգարանների աշխատողների և բարեկամների ասոցիացիան 10 տարեկան է: Հոբելյանի կապակցությամբ 2013թ. Հոկտեմբերի 29-ին Հովհ. Թումանյանի թանգարանում կբացվի «Ստեղծագործում են թանգարանների աշխատողները» խորագրով ցուցահանդեսը: Մասնակցում է ՀՀ 29 թանգարանների շուրջ 59 աշխատակից՝ ներկայցնելով գեղանկար, գրաֆիկա, քանդակ, լուսանկար, դեկորատիվ-կիրառական արվեստ, պոեզիա, ավանդական նվագարաններ: Իսկ նոյեմբերի 23-ին նույն թանգարանում կկայանա թանգարանագիտության արդի խնդիրներին նվիրված գիտաժողով, որի զեկուցումները կհրատարակվեն «Թանգարան» ամենամյա հանդեսի 2013 թ. հատորում:

Թանգարանների աշխատողների և բարեկամների ասոցիացիան հիմնվել է 2003 թ.: Կազմակերպությանն պատակն է՝ բնագավառի բոլոր շահագրգիռ մասնագետների և ջատագովների համախմբման միջոցով նպաստել ՀՀ թանգարանային մշակույթի զարգացմանն ու հանրահռչակմանը: Ասոցիացիայի կազմում ներգրավված են Հայաստանի տարբեր բնակավայրերի շուրջ 40 թանգարանների 65 աշխատակիցներ, ՀՀ ԳԱԱ Հնագիտության և ազգագրության, Արվեստի ինստիտուտների գիտաշխատողներ, Երևանի Պետհամալսարանի և Խ. Աբովյանի անվ. Հայկական պետական մանկավարժական համալսարանի դասախոսներ, մասնագիտական բուհերի կամավոր ուսանողներ:

Ասոցիացիան ակտիվորեն համագործակցում է պետական, հասարակական և միջազգային կառույցների հետ՝

ՀՀ Մշակույթի նախարարություն

«Հայաստան» համահայկական հիմնադրամ

ԻԿՕՄ-ի Հայաստանի ազգային կոմիտե

Գերմանիայի բարձրագույն դպրոցների միության Հայաստանի մասնաճյուղ /DVV International/

Բաց հասարակության ինստիտուտի օժանդակության հիմնադրամ

ՅՈՒՆԵՍԿՕ –ի մոսկովյան գրասենյակ

«Հայաստանի զբոսավարների գիլդիա» ՀԿ

«Ինտերնյուս» ՀԿ

Հայաստանում թանգարանագիտական, գիտամեթոդական ուսումնասիրությունների խթանման և թանգարանային գործունեության տարբեր ոլորտների մասին տեղեկատվության տարածման, ինչպես նաև աշխարհի տարբեր թանգարաններում գործող մասնագետների հետազոտություններին և թանգարանային կյանքին իրազեկված լինելու նպատակով՝ հրատարակվում է «Թանգարան» ամենամյա հանդեսը: Տարեգրքի հրատարակման հովանավորներն է «Հայաստան» համահայկական հիմնադրամը:

Ասոցիացիայի նախաձեռնությամբ 2008 թ. ստեղծվել է Թանգարանների միջազգային խորհրդի՝ ԻԿՕՄ-իՀայաստանի ազգային կոմիտեն: 10 տարիների ընթացքում Ասոցիացիայի և ԻԿՕՄ –ի ազգային կոմիտեի նախաձեռնությամբ և օժանդակությամբ ՀՀ տարբեր թանգարանների շուրջ 40 աշխատակից մասնակցել է արտերկրում կազմակերպված մասնագիտական կոնֆերանսների ու սեմինար-վարժանքների: Հայաստանի ներկայացուցիչներն ակտիվորեն ներներգրավված են ԻԿՕՄ-ի մասնագիտական կոմիտեների աշխատանքներում: Հայաստանի 3 ներկայացուցիչներ միջազգային կոմիտեների վարչության անդամներ են ընտրվել: 2012թ. հոկտեմբերին Մեսրոպ Մաշտոցի անվան հին ձեռագրերի ինստիտուտում անցկացվեց Թանգարանների միջազգային խորհրդիԿրթություն և մշակութային գործունեություն միջազգային կոմիտեի (ԻԿՕՄ/ՍԵԿԱ) տարեկան գիտաժողովը՝ «Թանգարան և գրավոր հաղորդակցություն. Ավանդույթ և նորարարություն» խորագրով:

ԱՍՈՑԻԱՑԻԱՅԻ ԻՐԱԿԱՆԱՑՐԱԾ ՆԱԽԱԳԾԵՐԻ ԸՆԴՀԱՆՈՒՐ ԲՆՈՒԹԱԳԻՐԸ

• Թանգարանային քաղաքականությանն ուղղված հետազոտական ծրագրերի և

առաջարկությունների մշակում

• ՀՀ թանգարանների մասին օրենքի նախագծի քննարկումներ

• Միջազգային փորձագետների հետ հանդիպում-քննարկումների, մասնագիտական

Սեմինարների ու վարժանքների կազմակերպում

• Մասնագիտական գրականության հավաքում և տարածում

• §Թանգարան¦ գիտատեսական-մեթոդական տարեգրքի հրատարակում

• Թանգարանայինաշխատողներիմասնագիտականորակավորմանբարձրացմանն ու

վերապատրաստմանն ուղղված ծրագրեր

• Մասնակցություն միջազգային գիտաժողովների և կոնֆերանսների աշխատանքներին

• Մարզային և համայնքային թանգարանների կարիքների գնահատում,

մասնագիտական խորհրդատվություն, մեթոդական առաջարկների մշակում

• «Հայաստան» Համահայկական հիմնադրամի միջոցով ՀՀ մարզային և փոքր

թանգարանների տեխնիկական վերազինմանն ուղղված ծրագրեր

• Հատուկ կարիքներ ունեցող այցելուների համար իրականացված նախագծեր

• Երիտասարդ թանգարանագետների գործունեության ակտիվացմանը և

խրախուսմանն ուղղված նախագծեր

• Փոխայցելություններ մարզային թանգարաններ. գիտաճանաչողական ծրագրեր

• Զանգվածային լրատվության միջոցով տեղեկատվության տարածում

• Թանգարանային աշխատողների ժամանցի ազմակերպում (թեմատիկ էքսկուրսիաներ, այցելություններ մայրաքաղաքի և մարզային նորաբաց թանգարաններ, նոր ցուցադրությունների դիտում-քննարկումներ, Ամանորի հանդես):

Թանգարանների աշխատողների և բարեկամների ասոցիացիայի

նախագահ՝ Հռիփսիմե Պիկիչյան. հեռ. 093460563

ԻԿՕՄ-ի ազգային կոմիտեի նախագահ՝ Մարինե Հարոյան. հեռ. 093581590

ԻԿՕՄ-ի ազգային կոմիտեի տնօրեն՝ Անի Ավագյան հեռ. 055510840

aofmwf@yahoo.com

icomarmenia@yahoo.com

Նոյյան տապան - Մշակույթ