ՀՀ գյուղատնտեսության նախարարն ընդունել է Հայնց-Վիլհելմ Շտրուբենհոֆին
12-11-2013 15:32:05 | Հայաստան | Տնտեսություն
ՀՀ գյուղատնտեսության նախարար Սերգո Կարապետյանն այսօր ընդունել է Համաշխարհային բանկի խմբի (ՀԲԽ) ներդրումային միջավայրի ստորաբաժանման Եվրոպայի և Կենտրոնական Ասիայի տարածաշրջանում Ագրոբիզնեսի ծրագրի ղեկավար Հայնց-Վիլհելմ Շտրուբենհոֆին:
2011 թվականից ՀԲԽ անդամ Միջազգային ֆինանսական կորպորացիան (IFC) Հայաստանում ներդրումային միջավայրի բարեփոխումների խորհրդատվական ծրագիր է իրականացնում:
Ողջունելով հյուրին` ՀՀ գյուղատնտեսության նախարարը բարձր է գնահատել Համաշխարհային բանկի խմբի անդամ IFC-ի գործունեությունը՝ նշելով, որ տարիներ ի վեր կորպորացիայի իրականացրած աշխատանքի շնորհիվ է նաև, որ Հայաստանում ներդրումային միջավայրի բարելավման , սննդի անվտանգության և տեսչական ստուգումների ուղղությամբ մեծ աշխատանքներ է իրականացվել:
Պարոն Շտրուբենհոֆը շնորհակալություն է հայտնել հանդիպման համար և նշել է, որ IFC-ն գյուղատնտեսությունը համարում է գերակա ուղղություն:
Հանդիպման ժամանակ նախարարը կարևորել է վերամշակող արդյունաբերության ոլորտում HACCP համակարգի ներդրումը, որն ավելի մրցունակ կդրաձնի արտադրողներին միջազգային շուկայում և ակնկալում է, այս հարցում IFC-ի աջակցությունը:
Զրուցակիցները քննարկել են նաև համագործակցության նոր եզրեր , ինչպես նաև հստակեցրել են 2014-2017 թվականների նոր ծրագրերի իրականացման ուղղությունները: