Երևանի ավագանու նիստին կներկայացվի Երևանի զարգացման քառամյա ծրագրի նախագիծը
27-11-2013 16:57:09 | Հայաստան | Տնտեսություն
Երևանի քաղաքապետի տեղակալ Վ. Նիկոյանի նախագահությամբ նոյեմբերի 27-ին տեղի է ունեցել Երևանի քաղաքապետին կից Երևանի քաղաքային համայնքի զարգացման քառամյա ծրագրի և տարեկան բյուջեի կառավարման խորհրդի նիստ։
Երևանի քաղաքապետի տեղակալ Վ․ Նիկոյանը խորհրդի անդամներին ներկայացրել է <<Երևանի զարգացման 2014-2017 թվականների քառամյա ծրագրի հաստատման մասին>> Երևան քաղաքի ավագանու որոշման նախագծի վերաբերյալ կազմակերպված հանրային քննարկումների արդյունքները, ըստ որոնց՝ նախագծի վերաբերյալ սահմանված ժամկետում որևէ առաջարկություն և դիտողություն չի ներկայացվել: Տեղի չեն ունեցել նաև հանրային բաց լսումները՝ մասնակցության դիմումների բացակայության պատճառով:
Երևանի քաղաքապետարանի տեղեկատվության և հասարակայնության հետ կապերի վարչությունից հայտնում են, որ նիստին ներկա խորհրդի անդամների միաձայն կողմ քվեարկությամբ դրական եզրակացություն է տրվել Երևանի զարգացման 2014-2017 թվականների քառամյա ծրագրի նախագիծը սահմանված կարգով Երևան քաղաքի ավագանու քննարկմանը ներկայացնելուն:
ՀԱՅԵՐԵՆ
Русский
English
Դաս. հայերեն
French
