Երևանի բակերի նկարազարդման 2013թ. ծրագիրն ավարտվել է
28-11-2013 13:36:44 | Հայաստան | Տնտեսություն
Մայրաքաղաքի բակերի համալիր բարեկարգման աշխատանքներին զուգահեռ, տարեսկզբից ծավալուն աշխատանքներ իրականացվեցին նաև բակերի նկարազարդման ուղղությամբ: 2013թ. ծրագրի շրջանակում շուրջ 240 բակերում ընդհանուր 11990 քմ մակերեսով նկարազարդման աշխատանքներն արդեն իսկ ավարտվել են:
Երևանի քաղաքապետարանի տեղեկատվության և հասարակայնության հետ կապերի վարչությունից հայտնում են, որ 2012թ.-ին, նկարազարդման աշխատանքեր էին իրականացվել շուրջ 190 բակերում: Հաշվի առնելով ծրագրի հաջողվածությունն ու բնակիչների դրական արձագանքը՝ քաղաքապետ Տարոն Մարգարյանի հանձնարարությամբ 2014 թվականի աշխատանքներում ևս կընդգրկվի բակային տարածքներում նկարազարդումների ծրագիրը: