Հրավերք` մասնակցելու “Փրկարարական աշխատանքների իրականացումն ուժեղ երկրաշարժի դեպքում” ուսումնավարժանքին Վայոց Ձորի մարզի Արփի համայնքում
05-12-2013 12:31:23 | Վայոց ձորի մարզ | Տնտեսություն
Ե՞րբ.Դեկտեմբերի 6 , 2013 թ. ժամը 13.30-14:30
Ո՞րտեղ.Վայոց Ձորի մարզի Արփի համայնքի դպրոցում Մեկնումը. Դեկտեմբերի 6-ին ժամը 9:30-ին ՕՔՍՖԱՄ-ի գրասենյակի մոտից (հասցեն` ք. Երևան, Թումանյան 35/11, հեռ: 010- 58-84-18):
Հրավերք` մասնակցելու “Փրկարարական աշխատանքների իրականացումն ուժեղ երկրաշարժի դեպքում” ուսումնավարժանքին Վայոց Ձորի մարզի Արփի համայնքում
Ի հիշատակ դեկտեմբերի 7-ի աղետալի երկրաշարժի և կարևորելով աղետներին դիմակայելու հանրային պատրաստվածությունը` ՕՔՍՖԱՄ-ը և �Ապավեն համայնքներին� հասարակական կազմակերպությունը հրավիրում են Ձեզ մասնակցելու “Ուժեղ երկրաշարժի դեպքում փրկարարական աշխատանքերի իրականացում հանրային միջոցառմանը, որը տեղի կունենա ս.թ. դեկտեմբերի 6-ին Վայոց Ձորի Արփի համայնքում ժամը 13.30-14.30-ը:Ուսումնավարժանքի հիմնական նպատակն է իրազեկել բնակչությանը արտակարգ իրավիճակներում բնակչության պաշտպանության միջոցառումների կազմակերպման և իրականացման ունակությունների վերաբերյալ, ինչպես նաև արտակարգ իրավիճակների առաջացման դեպքում աղետների արձագանքման համայնքային խմբերի և մարզային փրկարարական վարչության արդյունավետ համագործակցության անհրաժեշտության վերաբերյալ:
Վարժանքը կտևի 30 րոպե, որին կհաջորդեն քննարկումներն ու կարծիքների փոխանակումը ուսումնավարժանքի մասնակիցների և հյուրերի մասնակցությամբ:
Ուսումնավարժանքը անցկացվում է Եվրոպական հանձնաժողովի մարդասիրական օգնության և քաղաքացիական պաշտպանության բաժնի (DIPECHO) և ՕՔՍՖԱՄ-ի կողմից ֆինանսավորվող �Աղետների ռիսկի նվազեցման� տարածաշրջանային ծրագրի շրջանակներում:
Ակնկալում ենք Ձեր մասնակցությունը:
Խնդրում ենք հաստատել Ձեր մասնակցությունը և տրանսպորտային միջոցի անհրաժեշտությունը մինչև դեկտեմբերի 5-ը, 18:00 էլ.փոստով khovhannisyan@oxfam.org.uk կամ հեռ. (091) 20 34 51: Դիմել Օքսֆամի հասարակայնության հետ կապերի և քարոզարշավների պատասխանատու Քրիստինե Հովհաննիսյանին:
Օքսֆամը, սկսած 1994 թվականից կազմակերպությունը Հայաստանում իրականացնում է մարդասիրական և զարգացման տարաբնույթ ծրագրեր շուրջ 165 հեռավոր գյուղական համայնքներում` սերտ համագործակցելով կառավարության, տասնյակից ավելի տեղական հասարակական կազմակերպությունների, տեղական ինքնակառավարման մարմինների և մարզային իշխանությունների հետ:
KRISTINE HOVHANNISYAN | Communication and Campaign Officer