ԱՐՄԵՆԱԼ -ի 3 աշխատակից դարձան ընկերության բաժնետերեր
09-12-2013 13:36:25 | Հայաստան | Տնտեսություն
Երևան, 9 դեկտեմբերի 2013 թ. - Ալյումինի համաշխարհային առաջատար արտադրողներից մեկի` ՌՈՒՍԱԼ միացյալ ընկերության (UC RUSAL) կազմի մեջ մտնող ԱՐՄԵՆԱԼ փայլաթիթեղագլանման գործարանի 3 աշխատակից դարձան ընկերության բաժնետերեր: Արտադրական համակարգի ներդրման գործում ակտիվ աշխատանքի համար նրանց խրախուսեցին ՌՈՒՍԱԼ-ի բաժնետոմսերի փաթեթներով:
Ընկերությունը մշակել է երկարատև պարգևատրման Ծրագիր, որն ուղղված է աշխատակիցների հավելյալ խրախուսմանը, նրանց շահագրգռության բարձրացմանը, գործատուների հաջողությունը աշխատակիցների միջև բաժանելուն և աշխատողների ու բաժնետերերի շահի համակշռմանը:
ԱՐՄԵՆԱԼ-ի կողմից ծրագրի մասնակիցների կազմում են ընդգրկված տեխնոլոգիայի և որակի գծով տնօրեն Արտեմ Անդրիասյանը, տեխնիկական տնօրեն Իգոր Կոկարևը և Արտադրական համակարգի զարգացման բաժնի պետ Արթուր Զաքարյանը, որոնք էլ դարձան ՌՈՒՍԱԼ-ի պարգևատրման բաժնետոմսերի տերերը:
Հայ բաժնետերերին դրանք հանձնեց ՌՈՒՍԱԼ ՄԸ արտադրության զարգացման գծով տնօրեն Դմիտրի Բոնդարենկոն: Նոր սեփականատերերի անուններն գրանցվեցին ընկերության հաշվեցանկի մեջ Հոնկոնգի ֆոնդային բորսայում:
ՀԱՅԵՐԵՆ
Русский
English
Դաս. հայերեն
French
