Անվտանգության խորհրդի նիստ՝ Արցախում

10-12-2013 12:16:44 | | Քաղաքական

Արցախի Հանրապետության Նախագահ Բակո Սահակյանը դեկտեմբերի 9-ին հրավիրել է Անվտանգության խորհրդի նիստ, որի օրակարգում ընդգրկված էին 2013թ. հեռուստամարաթոնին եւ ԼՂՀ պարենային անվտանգության ապահովման հայեցակարգի նախագծին վերաբերող հարցեր:

Նախագահը ներկայացրել է հեռուստամարաթոնի ընթացքն ու արդյունքները եւ համապատասխան հանձնարարականներ տվել հանրապետության կառավարությանը Վարդենիս-Մարտակերտ ավտոճանապարհի շինարարության պատշաճ իրականացման ուղղությամբ:

ԼՂՀ պարենային անվտանգության ապահովման հայեցակարգի մասին զեկույցներով հանդես են եկել ԼՂՀ վարչապետը, փոխվարչապետը, գյուղատնտեսության նախարարը եւ ազգային վիճակագրական ծառայության նախագահը:

Իր խոսքում երկրի ղեկավարը պարենային անվտանգությունը համարել է մեր պետության անվտանգության կարեւոր բաղադրիչներից մեկը՝ ընդգծելով, որ նրա ապահովումը հատկապես հրամայական է Արցախի համար` հաշվի առնելով բազմաթիվ ռազմաքաղաքական գործոնների առկայությունը:

Նախագահ Սահակյանը հավանություն է տվել Արցախի Հանրապետության պարենային անվտանգության ապահովման հայեցակարգի նախագծին՝ հանձնարարելով Անվտանգության խորհրդի քարտուղարին սահմանված կարգով ընթացքավորել եւ հաստատման ներկայացնել հայեցակարգի նախագիծը` համապատասխան հանձնարարականներով:

Այս մասին «ՆՏ»-ին հայտնեցին Արցախի Հանրապետության նախագահի աշխատակազմի տեղեկատվության գլխավոր վարչությունից։

Նոյյան տապան - Քաղաքական

Կարդացել են 397 անգամ

Անվտանգության խորհրդի նիստ՝ Արցախում

Noyan Tapan TV