Ա.Գեւորգյանը խորհրդակցություն է անցկացրել ՋՕԸ-երի ղեկավարների մասնակցությամբ
17-12-2013 18:17:05 | Հայաստան | Տնտեսություն
ՀՀ փոխվարչապետ, տարածքային կառավարման նախարար Արմեն Գեւորգյանն այսօր Արմավիրի, Արագածոտնի, Կոտայքի, Գեղարքունիքի մարզերի մի շարք ջրօգտագործողների ընկերությունների ( ՋՕԸ) ղեկավարների մասնակցությամբ խորհրդակցություն անցկացրեց, որի ընթացքում քննարկվեցին 2013թ. նշված ընկերությունների ֆինանսատնտեսական գործունեության արդյունքներն ու 2014թ. անելիքները:
Խորհրդակցությանը մասնակցում էին նաեւ ՏԿՆ Ջրային տնտեսության պետական կոմիտեի նախագահ Անդրանիկ Անդրեասյանը եւ «Ջրային տնտեսության ծրագրերի իրականացման գրասենյակ» ՊՀ տնօրեն Ադիբեկ Ղազարյանը:
Արձանագրվեց որ ՋՕԸ-երը դեռեւս ամբողջությամբ չեն իրականացրել 2013թ. համար նախատեսված աշխատանքները: Փոխվարչապետը հորդորեց քայլեր ձեռնարկել ` ծրագրված ցուցանիշները մինչեւ տարեվերջ ապահովելու եւ ֆինանսատնտեսական պարտավորություններն ամբողջությամբ իրականացնելու ուղղությամբ:
Հասարակայնության հետ կապերի բաժնից հայտնում են, որ փոխվարչապետն առաջարկեց նաեւ անցկացնել ՋՕԸ-երի խորհուրդների նիստեր` 2013թ. գործունեության արդյունքները քննարկելու նպատակով:
ՀԱՅԵՐԵՆ
Русский
English
Դաս. հայերեն
French
