Մայրաքաղաքում շարունակվում են բակային տարածքների ու մայթերի ձնամաքրման աշխատանքները
25-12-2013 14:24:19 | Հայաստան | Տնտեսություն
Երևանի քաղաքապետ Տարոն Մարգարյանի հանձնարարությամբ՝ մայրաքաղաքում շարունակվում են մայթերի, աստիճանավանդակների, բակերի ու միջբակային տարածքների ձյան ու սառույցի մաքրման աշխատանքները:
Նշված բոլոր հատվածները մշակվել են նաև աղ ու ավազի խառնուրդով: Երևանի քաղաքապետարանի կոմունալ տնտեսության վարչության և հատուկ օպերատիվ շտաբի վերահսկողությամբ մայրաքաղաքի վարչական շրջաններում շարունակվում են ձյան ու մերկասառույցի մաքրման աշխատանքները, որոնց ներգրավվել են ինչպես մարդկային, այնպես էլ տեխնիկական ռեսուրսներ:
Դեկտեմբերի 24-ին և լույս 25-ի գիշերը մայրաքաղաքի վարչական շրջաններում աշխատել է ընդհանուր թվով 41 միավոր տեխնիկա: Ստացված տեղեկանքների հանրագումարում դեկտեմբերի 25-ի առավոտյան տվյալներով՝ օգտագործվել է 82 տոննա տեխնիկական աղ և 169 խմ շլաքային ավազ:
Երևանի քաղաքապետարանի տեղեկատվության
և հասարակայնության հետ կապերի վարչություն
ՀԱՅԵՐԵՆ
Русский
English
Դաս. հայերեն
French
