<<Աշտարակ-Կաթ>>-ը ճանաչվել է 2013թ.-ին Հայաստանում լավագույն կաթնամթերք արտադրող
25-12-2013 14:38:55 | Հայաստան | Տնտեսություն
<<Աշտարակ-Կաթ>> ՓԲԸ-ն ճանաչվել է 2013թ.-ին Հայաստանում լավագույն կաթնամթերք արտադրող ընկերություն` ըստ Գելլափ Ինթերնեյշնլ Ասոցիացիայի Հայաստանյան ներկայացուցչության և Պանարմենիան Մեդիա Գրուպ հոլդինգի կողմից կազմակերպված հետազոտական ծրագրի արդյունքների
«Գելլափ Ինթերնեյշնլ Ասոցիացիայի» կողմից երևանցիների շրջանում կատարված հարցումների համաձայն` լավագույն կաթնամթերք արտադրող ընկերություն է ճանաչվել Աշտարակ-Կաթը:
Ուսումնասիրություններն իրականացվել են 2013թ., հարցմանը մասնակցել է 1067 մարդ, ովքեր լավագույն տիտղոսին են արժանացրել հայկական 26 ընկերությունների: Սպառողները պատասխանել են հարցերին, թե հատկապես որ խանութներից են օգտվում, ինչ են խմում, ուտում և որտեղ են անցկացնում ժամանակը: Հարցաթերթիկները պարունակել են տասնյակ հարցեր, որոնց արդյունքում որոշվել են տարբեր ոլորտներում լավագույնը համարվող ընկերությունները:
Կաթնամթերքի ոլորտում սպառողները լավագույն կոչումը շնորհել են Աշտարակ-Կաթին:
Հիշեցնենք, որ Գելլափ Ինթերնեյշնլը շուկայական հետազոտությունների իրականացման ոլորտի առաջատարն է ամբողջ աշխարհում: Այն ներառում է տարբեր երկրներում շուկայական հետազոտություններով զբաղվող 77 անկախ ընկերություններ:
«Աշտարակ-Կաթ» ընկերության մամուլի ծառայությունից հայտնում են, որ «Գելլափ Ինթերնեյշնլ Ասոցիացիայի» հայաստանյան ներկայացուցչությանը սպառողական շուկան մանրամասն ուսումնասիրելու առաջարկ էր արել Պանարմենիան Մեդիա Գրուպը, իսկ հուշագիրը կնքվեց ամռանը:
ՀԱՅԵՐԵՆ
Русский
English
Դաս. հայերեն
French
