Արցախի Հանրապետության Նախագահը մասնակցել է Վազգեն Սարգսյանի ծննդյան 55-ամյակին նվիրված միջոցառումներին


Արցախի Հանրապետության Նախագահը մասնակցել է Վազգեն Սարգսյանի ծննդյան 55-ամյակին նվիրված միջոցառումներին

  • 05-03-2014 18:10:10   |   |  Հասարակություն

Արցախի Հանրապետության Նախագահ Բակո Սահակյանը մարտի 5-ին մասնակցել է Արցախի եւ Հայաստանի հերոս Վազգեն Սարգսյանի ծննդյան 55-ամյակին նվիրված միջոցառումներին: 
Երկրի ղեկավարը ներկա է գտնվել ԼՂՀ ՊԲ Վ. Սարգսյանի անվան զորամասում կազմակերպված հանդիսավոր հավաքին եւ հանդես եկել ելույթով:
Իր խոսքում Բակո Սահակյանը նշել է, որ Վազգեն Սարգսյանը կանգնած էր մեր ժողովդրի ազգային-ազատագրական շարժման ակունքներում, եղել է հայոց պետականության վերականգնման առաջամարտիկներից, հայոց բանակի հիմնադիրներից եւ առաջին հրամանատարներից մեկը եւ դեռեւս կենդանության օրոք արժանացել է Սպարապետի պատվավոր կոչմանը: Երկրի ղեկավարն ընդգծել է, որ Վազգեն Սարգսյանի հիշատակը վառ պահելու լավագույն միջոցը նրա պատգամների իրականացումն է, հայոց անկախ պետության շարունակական ամրապնդումը եւ բանակի զորացումը: 
Այնուհետեւ Նախագահ Սահակյանը մասնակցել է Ստեփանակերտի երիտասարդության եւ մշակույթի պալատում Սպարապետ Վազգեն Սարգսյանի ծննդյանը նվիրված երեկոյին: 
Միջոցառումներին մասնակցում էին Հայ Առաքելական Եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, ԱԺ խոսնակ Աշոտ Ղուլյանը, վարչապետ Արա Հարությունյանը, պաշտոնատար այլ անձինք, Վազգեն Սարգսյանի եղբայր Արամ Սարգսյանը, Հայաստանից ժամանած հյուրեր:Այս մասին «ՆՏ»-ին հայտնեցին Արցախի Հանրապետության նախագահի աշխատակազմի տեղեկատվության գլխավոր վարչությունից:
 
Նոյյան տապան  -   Հասարակություն