Հայաստանի Երիտասարդական Հիմնադրամի կողմից հայտարարված դրամաշնորհային ծրագրի շրջանակներում իրականցվող <<Երիտասարդության զբաղվածության և հնարավորությունների պակասի խնդիրը>> ծրագրի առաջին փուլում Տավուշի մարզի Այգեպար գյուղում 50 երիտասարդների "Ֆերմերային տնտեսությունների միավորում" հկ կողմից բաժանվեց ծրագրով նախատեսված 50 ճագար եւ դրանց պահելու համար անհրաժեշտ համակցված կեր:
Ապրիլի 27-ին ծրագրի առաջին փուլի իրականացման ժամանակ երիտասարդները խոստացան, որ լավ կխնամեն ճագարներին, որպեսզի աշնանը կայանալիք մրցանակաբաշխության ժամանակ արժանանան մրցանակների:
Երիտասարդները լսեցին նաեւ դասախոսություն ճագարների անհրաժեշտ խնամքի, դրանց պահելու ընթացքում հնարավոր խնդիրների կանխարգելման համար անհրաժեշտ միջոցառումների մասին:
"Ֆերմերական տնտեսությունների միավորում" հասարակական կազմակերպության աշխատանքային խորհրդի միջոցներով Տավուշի մարզի Այգեպար գյուղին հատկացվեցին արագաճ բարդու 46 տնկի: Բանն այն է, որ համայնքի ղեկավար Անդրանիկ Այդինյանի հետ հեռախոսազրույցի ընթացքում պարզվեց, որ գյուղում կան ճանապարհներ, որոնք գտնվում են ադրբեջանական կողմի դիտակետների կրակի գոտում եւ դրանք անվտանգ դարձնելու համար անհրաժեշտ է բարդիների տնկում, որին եւ արագ արձագանքեց հկ-ն: