Լիբանանում գումարվել է Համազգային հայ կրթական եւ
մշակութային միության վեցերորդ պատգամավորական ժողովը
25-05-2010 14:54:00 | Հայաստան | Քաղաքական
ԲԵՅՐՈՒԹ, 25 ՄԱՅԻՍԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Մայիսի
14-ին, 15-ին եւ 16-ին Լիբանանում գումարվել է Համազգային հայ
կրթական եւ մշակութային միության վեցերորդ պատգամավորական ժողովը,
որին մասնակցել են Միջին Արեւելքի, Եվրոպայի, Ամերիկայի Միացյալ
Նահանգների, Ավստրալիայի եւ Հայաստանի Համազգային շրջաններն ու
առանձին մասնաճյուղերը, տեղեկացնում է «Ազդակը»: Պատգամավորական
ժողովը լսել է կենտրոնական վարչության քառամյա տեղեկագիրը
Հայաստանի գրասենյակի, Արսլանյան ճեմարանի, Մարսելի ճեմարանի եւ
Սիդնեյի Արշակ եւ Սոֆի Գոլսթոն ճեմարանի, ինչպես նաեւ «Բագինի» եւ
այլոց առաջարկներն ու դրանց հիման վրա գործունեության ուղենիշներ է
որդեգրել: Ընդգծվել է Համազգայինի գործունեության մեջ
երիտասարդությանը ներգրավելու անհրաժեշտությունը: Ժողովը գնահատել
է Կենտրոնական վարչության աշխատանքը ֆինանսավորման նոր աղբյուրներ
գտնելու եւ ապահովելու ուղղությամբ: Վերջում ժողովն ընտրել է
կենտրոնական վարչության նոր կազմ: