Հայաստանում մեկնարկեց «Ուշուի Եվրոասիական գավաթ» մրցաշարը (Տեսանյութ եւ լուսանկարներ)

27-09-2014 18:53:29 | Հայաստան | Սպորտ

«Դինամո» մարզական հասարակական կազմակերպության դահլիճում սեպտեմբերի 27-ին մեկնարկեց Հայաստանի ավանդական ուշուի ֆեդերացիայի եւ «Չի ուան» միջազգային կազմակերպության համատեղ կազմակերպած «Ուշուի Եվրասիական գավաթ» անդրանիկ միջազգային մրցաշարը, որին մասնակցում են Հայաստանի, Իրանի եւ Իրաքի շուրջ 90 մարզիկներ:

Մինչ մրցաշարի մեկնարկը Հայաստանի Ավանդական Ուշուի ֆեդերացիայի նախագահ Տիգրան Չոբանյանը ներկաներին ներկայացրեց մարզիկներին եւ մրցավարական կազմին,տեղեկացրեց մրցաշարի անցկացման մանրամասները , որին հաջորդեց պարային եւ ցուցադրական ելույթները: Ցուցադրական ելույթների ն հաջորդեց նախնական կոնտակտային մենամարտերը, որոնց ընթացքում եղավ եւ նոկաուտ, եւ վնասվածք, անգամ մարզիկի ոչ պատշաճ պահվածքի համար նրան որակազրկեցին :

«Նոյյան Տապան»-ի հետ զրույցում Հայաստանի Ավանդական Ուշուի ֆեդերացիայի նախագահ Տիգրան Չոբանյանը նշեց, որ ներկայացրեց մարզիկներին նշելով որ հայ մարզիկները ունեն բոլոր շանսերը հաղթող ճանաչվելու:

Մանրամասները տեսանյութում.

Տեղեկացնենք, որ վաղը սեպտեմբերի 28-ին «Դինամո» մարզական հասարակական կազմակերպության դահլիճում կկայանան եզրափակիչ մարտերը:

Միջոցառման լուսանկարներն այստեղ

Նոյյան տապան - Սպորտ