ՀՀ սպորտի և երիտասարդության հարցերի նախարար Գաբրիել Ղազարյանն այսօր՝ դեկտեմբերի 3-ին, ՀՀ Տավուշի մարզի Իջևան քաղաքում ներկա է գտնվել օլիմպիական խաղերի չեմպիոն Վլադիմիր Ենգիբարյանի անվան բռնցքամարտի մարզասրահի բացման հանդիսավոր արարողությանը:
Միջոցառմանը ներկա են գտնվել նաև Բռնցքամարտի ֆեդերացիայի նախագահ Արթուր Գևորգյանը, ՀԱՕԿ փոխնախագահ Դերենիկ Գաբրիելյանը, Տավուշի մարզպետ Հովիկ Աբովյանը, Իջևանի քաղաքապետ Վարդան Ղալումյանը:
Իջևանի թիվ 1 հանրակրթական դպրոցի վերանորոգված մարզասրահում տեղադրվել է բռնցքամարտի պրոֆեսիոնալ ռինգ, տանձիկներ, որտեղ իրենց մարզումներն անցկացնելու հնարավորություն կունենան բազմաթիվ պատանիներ:
Տեղեկատվության և հասարակայնության հետ կապերի բաժնից հայտնում են, որ նախարար Ղազարյանը, նորաբաց մարզասրահի պայմաններին ծանոթանալուց հետո իր գոհունակությունն է հայտնել և նշել, որ համագործակցությունը նախարարության և բռնցքամարտի ֆեդերացիայի միջև մոտ ապագայում տալու է իր դրական արդյունքները: «Հնարավոր է, որ հենց այս մարզասրահում մարզվող պատանիներից մեկն էլ ապագայում դառնա աշխարհի չեմպիոն»,- իր խոսքում ասել է Գաբրիել Ղազարյանը:
ՀԱՅԵՐԵՆ
Русский
English
Դաս. հայերեն
French
