ՎԱՇԻՆԳՏՈՆ, 19 ՓԵՏՐՎԱՐԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Ամերիկայի Արեւմտյան շրջանի Հայ երիտասարդության ֆեդերացիան աշխատում է, որպեսզի ապահովի Հայոց ցեղասպանության թիվ 252 բանաձեւի հաստատումը, քանի որ Ներկայացուցիչների պալատի արտաքին հարաբերությունների հանձնաժողովը պատրաստվում է ձեռնարկմանը գնահատական տալ մարտի 4-ին: Հայ երիտասարդության ֆեդերացիայի գործադիր տնօրեն` Արեգ Սանտիկյանը նշել է, որ ֆեդերացիայի անդամները կարող են մեծ դեր խաղալ Հայոց ցեղասպանության ճանաչման բանաձեւին աջակցելու մեջ: «Teachathon 252» արշավը կընդգրկի Արեւմտյան շրջանի հայ երիտասարդության ֆեդերացիայի բոլոր 14 մասնաճյուղերը` Սան Ֆրանցիսկոյից, Կալիֆոռնիայից մինչեւ Հյուստոն, Տեխաս: Ինչպես տեղեկացնում են Ամերիկայի Հայ դատի հանձնախմբի գրասենյակից, Հայ երիտասարդության ֆեդերացիայի այդ մասնաճյուղերի անդամները արդեն հորդորել են իրենց համայնքներին` դիմել իրենց ներկայացուցիչներին` պահանջելով հաստատել Հայոց ցեղասպանության բանաձեւը:

---