Ապրիլի 22-ին տեղի է ունեցել ՀՀ կառավարության հերթական նիստը, որը վարել է ՀՀ վարչապետ Հովիկ Աբրահամյանը:
ՀՀ կառավարության որոշմամբ 2015 թ. փետրվարի 2-20-ն ընկած ժամանակահատվածում Տավուշի մարզի 8 բնակավայրերի՝ գնդակոծության հետևանքով պատճառված վնասները վերացնելու համար ֆինանսական աջակցության տրամադրման նպատակով Տավուշի մարզպետարանին հատկացվել է ավելի քանի 3.7 մլն դրամ:
Ոռոգման նպատակով Սևանա լճից 2015 թ. ոռոգման շրջանում Սևան-Հրազդան ոռոգման-էներգետիկ համակարգով ջրի բաց թողնման չափաքանակը կառավարությունը սահմանել է մինչև 170 մլն խմ:
Արարատի մարզի Լանջազատ համայնքի բնակչության բուժսպասարկումը բարելավելու նպատակով հիմնվել է «Լանջազատի առողջության առաջնային պահպանման կենտրոն» ՊՈԱԿ-ը, որը կսպասարկի նաև Բարձրաշենի բնակչությանը: