< Երևանյան Հեռանկարներ>> փառատոնի գեղարվեստական ղեկավար՝Ստեփան Ռոստոմյանի ցավակցական խոսքը անվանի բալերինա Մայա Պլիսեցկայայի մահվան կապակցությամբ.
Խորին ցավով և կորստի զգացումով ընդունեցի Մայա Միխայլովնայի մահվան լուրը: Նա մեր հարազատն էր, ում հետ կապված էինք հազարավոր թելերով: Խորին ցավակցություն եմ հայտնում իմ մեծ ընկերոջը` Ռոդիոն Շչեդրինին, ցանկանալով նրան մեծ համբերություն:
Մայա Պլիսեցակայան մեր սրտերում մնում է որպես կատարելության և իմաստության խորհրդանիշ, որպես մարդկային պատմության մեջ երբևէ ամենասիրված կին անհատներից մեկը:
Մայա Պլիսեցկայան և Ռոդիոն Շչեդրինը մեր երկրի և ժողովրդի մեծագույն բարեկամներն են, և մեր մտքերն ու հայացքներն այսօր ուղղված են դեպի իրենց: Թող Աստված երկնքնի արքայության արժանացնի Մայային:
ՙ<< Երևանյան Հեռանկարներ>> փառատոնի գեղարվեստական ղեկավար՝Ստեփան Ռոստոմյան
Տեղեկություն
Աշխարհահռչակ բալերինա, ԽՍՀՄ ժողովրդական արտիստուհի Մայա Պլիսեցկայան առաջին անգամ Հայաստան է եկել 2008 թվականի հունիսին` «Երևանյան Հեռանկարներ» միջազգային փառատոնի շրջանակներում կայացած <<Շչեդրինի օրերը Հայաստանում>> համերգաշարի կապակցությամբ: Աննկարագրելի է այն սերը և խոնարհումը, որով նա շրջապատված էր հայ հասարակության կողմից Երևանում գտնվելու բոլոր օրերի ընթացքում:
Երկրորդ անգամ Հայաստան է եկել 2009 թվականի սեպտեմբերին, դարձյալ փառատոնի շրջանակներում, Մարիինյան թատրոնի նվագախմբի և դիրիժոր Վալերի Գերգիևի հետ միասին: Փառատոնի արխիվում են գտնվում մեծահամբավ բալերինայի Հայաստան այցերի մասին պատմող հուզիչ տեսագրություններ և լուսանկարներ: