«Ջավախքին աջակցություն» հիմնադրամը, ԵՀԽ հայաստանյան Կլոր սեղան հիմնադրամի, ՀՀ սպորտի և երիտասարդության հարցերի նախարարության և «Արմսվիսբանկ» (հայ-շվեյցարական բանկ) ՓԲԸ-ի համատեղ ֆինանսավորմամբ ս/թ օգոստոսի 17-ից մինչև սեպտեմբերի 10-ը իրականացնում է «Հանուն խաղաղ հարևանության» գրաֆիտիի փառատոն ծրագիրը:
Ծրագրի նպատակն է նպաստել Հայաստանի և Վրաստանի երիտասարդների միջև փորձի փոխանակմանը, Ջավախքի հոգևոր-մշակութային կյանքի, ինչպես նաև հայ-վրացական երիտասարդական համագործակցության բարելավմանը:
Ծրագրի շրջանակներում Հայաստանից ու Վրաստանից ընտրված շուրջ 20 մասնագետները օգոստոսի 31-ից շուրջ 10 օր կլինեն Ախալքալաք և Նինոծմինդա քաղաքներում, կմասնակցեն 1-օրյա դասընթացի, կմշակեն թեմատիկ էսքիզներ և դրանց համապատասխան երկու քաղաքների շենք-շինությունների վրա կպատկերեն անվանի գրողների, արվեստագետների դիմապատկերներ, խաղաղության և բարեկամության խորհրդանիշ հանդիսացող այլ պատկերներ, իսկ ծրագրի ավարտին նրանց մասնակցությամբ տեղի կունենա ամփոփիչ սեմինար: Ընտրված մասնակիցներին կմիանան շուրջ 100 երիտասարդներ տեղի երիտասարդական կրթամշակութային կենտրոններից, գեղարվեստի և հանրակրթական դպրոցներից:
«Ջավախքին աջակցություն» հիմնադրամը ընդունում է հայտեր (հայտի ձևը կցվում է) երիտասարդ գրաֆիտիստներից, նկարիչներից և գեղարվեստի ոլորտում մասնագիտացված այլ անձանցից:
Ծրագրի գործընկերներն են ՀԱԵ Ջավախքի Ընդհանուր Առաջանորդական Փոխանորդությունը, Ախալքալաքի «Բաց սահմաններ» հասարակական կազմակերպությունը, Ախալքալաք և Նինոծմինդա քաղաքների երիտասարդական կենտրոնները, Նինոծմինդա քաղաքի «Ռաֆայել Ջավախ» կրթամշակութային կենտրոնը, «Սփյուռքահայ ուսանողների խորհուրդ» ՈւՀԿ-ն:
Հայտերի ընդունման վերջնաժամկետը մինչև ս/թ օգոստոսի 24-ն է:
«Ջավախքին աջակցություն»հիմնադրամի գործադիր վարչություն
ՀԱՅԵՐԵՆ
Русский
English
Դաս. հայերեն
French
